د ایران بالستیکي توغندیو آزمویل د امنیت شورا له پرېکړه لیک سرغړونه وبلل شوه

امریکا او درو نورو اروپايي ملګرو یې په یوه ګډ لیک کې د ایران بالستیکي توغندیو آزمویل د امنیت شورا له پرېکړه لیک سرغړونه بللې. د رویټرز د خبر له مخې، د ایران له لوري آزمویل شوي بالستیکي توغندیو د اټومي وسلو لېږدولو توان درلود، چې دا کار له امنیت شورا سره له شوې پرېکړې سرغړاوی دی. د غربي رسنیو د خبر له مخې؛ امریکا او درو نورو متحدینو یې په دې اړه د امنیت شورا د ناستې جوړولو غوښتنه کړې. تېر کال جولای میاشت کې ایران او د نړۍ لوی قدرتونه دې هوکړې ته ورسېدل چې د ایران اټومي پروګرام به د امنیت شورا د بندیزونو لیرې کېدو په مقابل کې درول کېږي.