جلال اباد ښار کې د بهرنيو سياسي نماينده ګيو لپاره ډيپلوماتيکه ساحه جوړېږي

د ننګرهار ولايت د بهرنيو چارو رييس حفظ الله اسحاقي نن په جلال اباد کې د "کابل- المان" د سل کلنۍ دوستۍ د نمانځغونډې او نندارتون د پرانيستل کېدو په مراسمو کې وويل چې د دې ساحې د جوړولو هڅې گړندۍ روانې دي،څو پکې د ايران، پاکستان او هند د قونسلګريو په ګډون نورې سياسي نمايندګۍ مېشتې شي. د ننګرهار د والي وياند عطاءالله خوږياڼی وايي، د دې ساحې د جوړولو پروژه په روان کال کې پيلېږي. په ننګرهار کې شته سياسي نماينده ګۍ د ګڼې ګوڼې په ساحه کې دي، چې وخت نا و خته د وسله والو مخالفینو هدف هم ګرځي.