دخپریدو نیټه : 2016-05-07 مخپرونکئ : 128 - دبېنواخبریال - کابل
د ډرون الوتکو برید کې دوه پاکستاني داعشیان وژل شوي
احمد فیصل
په ننګرهار ولايت کې د بهرنيو ځواکونو د بې پيلوټه الوتکې بريد کې دوه پاکستاني داعش وسله وال وژل شوي دي. د ننګرهار د والي وياند عطاء الله خوږياڼی وايي، دا بريد پرون د هسکې مينې ولسوالۍ په ګورګرۍ سيمه کې شوى و. هغه زياته کړې، چې په دې بريد کې دوه پاکستاني وګړي چې د داعش په ليکو کې يې فعاليت کاوه، وژل شوي دي. بلخوا د والي وياند وايي چې د دوو پاکستانيانو په ګډون درې تنه له داعش سره د يو ځای کېدو په تړاو نيول شوي دي. خوږياڼي وويل ياد کسان د روداتو ولسوالۍ د حصارشاهي په سيمه کې د پوليسو لخوا نيول شوي دي.
