ترکیه: که د ویزې ستونزه حل نشي، له اروپايي ټولنې به یې غچ واخلو

ترکیه وايي، که وګړو ته یې له ویزې پرته د اروپایي هیوادونو د تگ راتگ زمینه برابره نه شي، له اروپايي ټولنې سره د کډوالو په اړه شوې هوکړه به لغوه کړي. د ترکیې او اروپايي ټولنې تر منځ د لاسلیک شوې هوکړې له مخې؛ اروپا ته تازه تللي او یا روان کډوال به بېرته ترکیې ته را استول کیږي او په توګه به په یادو هېوادونو کې د کډوالۍ د سېلاب مخه نېول کیږي. د ترکیې د بهرنیو چارو وزیر مولود چاوش اوغلو د دې هیواد دولتي تلویزیون ته ویلي، چې که ترکانو ته د ویزې پرته د اروپایي هیوادونو د تگ راتگ زمینه برابره نه شي انقره به دغه هوکړه په بشپړه توګه لغوه اعلان کړي.