امریکا د پاکستان د سرحدونو د کنټرول له ستراتيژۍ ملاتړ کوي

امریکا وايي د پاکستان له هغې ستراتیژۍ ملاتړ کوي چې له مخې به یې له افغانستان سره د دغې هېواد پولې کنټرولېږي او په اتو نقطو کې به دروازې جوړوي. د پاکستان او افغانستان لپاره د اوباما ځانګړي استازي ریچارد اولسن او د جان مک کین په مشرۍ یو هیت د جمعې په ورځ پاکستان ته تللی و او هلته یې له پاکستاني چارواکو سره کتلي دي. ویل کېږي چې هیت د پاکستان د استخباراتو د ادارې له مشرانو او د بهرنیو چارو وزیر عزیز چودري سره کتلي او په سیمه کې یې د ځينو روانو حالاتو په اړه خبرې کړې دي. اولسن ویلي چې امریکا د پاکستان له دې ستراتيژۍ ملاتړ کوي چې له مخې یې دوی خپل سرحدونه کنټرولوي. اولسن زیاته کړې په دې سره به دغیر قانوني خلکو او وسله والو د تګ راتګ مخه ونېول شي او په سیمه کې به امنیت ښه شي. په ورته وخت کې جان مک کین ویلي چې د پاکستان د ضرب عضب عملیات بریالي و او ترهګر یې ځپلي دي. راحیل شریف په دې لیدنه کې له امریکايي پلاوي سره ژمنه کړې چې د وسله والو پر وړاندې به جدي مبارزه کوي خو په وینا یې تر ډیره به منفي عواقب ولري او ترهګري به په سیمه کې پراخه کړي.