دخپریدو نیټه : 2016-08-15 مخپرونکئ : 128 - دبېنواخبریال - کابل
ناټو د داعش ادعا رد کړه
احمد فیصل
ناټو د داعش هغه ادعا رد کړه، چې ګوندې د کابل په چاودنه کې یو امریکایی قوماندان وژل شوی دی. دا چاودنه پرون، د کابل ښار د نهمې حوزې په مربوطاتو کې د عامې روغتیا څلور لاري ته څیرمه د ملي دفاع وزارت اړونده پر یوه ملکي موټر شوې وه. د کابل امنیتي سرچینو ویلي، چې په دې چاودنه کې د ملي دفاع وزارت یو کارکونکی له یوه بل تن سره ټپي شوي دي. خو د داعش ډلې د خراسان څانګې لخوا په خپره شوې خبرپاڼه کې ادعا شوې، چې دې چاودنه کې د ناټو یو امریکایی قوماندان له دوو افغان پوځي افسرانو سره وژل شوی دی. په کابل کې د ناټو د روزنې ماموریت (غوڅ ملاتړ) لخوا په خپره شوې خبرپاڼه کې د داعش دا ادعا په کلکه رد شوې ده.
