دخپریدو نیټه : 2016-10-02 مخپرونکئ : 103 - دبېنواخبریال - کابل
ننګ: فراه کې د هوايي برید په اړه څېړنې روانې دي
احمدالله سمون
د فراه والي وايي، د افغان هوايي ځواکونو په یوه هوايي حمله کې د ملي اردو د پنځو سرتېرو او د یوه پولیس د وژل کېدو د پېښې په اړه څېړنې تر راتلونکو دوو ورځو بشپړېږي.
اصف ننګ له رسنیو سره په خبرو کې وویل چې د بالابولوک ولسوالۍ د کنسک په هستوګنې سیمه کې اوس هم جګړه روانه ده او ستونزمنه ده چې هوايي حملې پکې سمې همغږې سي.
له دې مخکې د افغانستان دفاع وزارت منلې وه چې د افغان هوايي ځواکونو د ناسم کوردینات له امله دا افغان پوځیان د هیلیکوپټرو په راکټي حملو کې وژل سوي دي.
د فراه والي همداراز وویل چې په بکواه کې د افغان پوځیانو په هوايي حمله کې د پنجابي طالبانو د مشر ملا سمیع کشمیري په مشرۍ اولس بهرني طالبان وژل سوي دي.
