مالیې وزیر اکلیل حکیمي نن په افغانستان کې د ایران له سفیر ښاغلي محمد رضا بهرامي سره د خپل کار په دفتر کې وکتل.
په دې لیدنه کې چې د افغانستان بانک رئیس ښاغلي خلیل الله صدیق، د افغانستان ریل پټلۍ رئیس ښاغلي یما شمس او د مالیې وزارت د ګمرکونو عمومي رئیس ښاغلي احمد رشاد پوپل هم شتون درلود، د افغانستان او ایران تر منځ د بانکي اړیکو پر پیاوړي کولو، د خواف-هرات د څلورمې قطعې ریل پټلۍ، د دواړو هیوادونو تر منځ د ګمرکي هوکړه لیک، په چابهار بندر کې د خصوصي بانکونو د څانګو پر پرانیستلو او یو شمیر نورو مسایلو باندې هر اړخیزې خبرې وکړې.
د یادونې وړ ده چې په دې لیدنه کې مالیې وزیر او په افغانستان کې د ایران سفیر یو ځل بیا د دواړو هیوادونو تر منځ د اړیکو پر پیاوړتیا ټینګار وکړ.
