څوک چي دامریکا ضددی هغه سم تروریست دی
امریکا چي درجن درجن خلک وژني هیمونیست دی
ټول مسلمانان یې دیو بل غاړې ته سم دم دی اچولي
دا جنګ بازار امریکا ته د وسلې د بزنیست دی
دلته هرنوی جوړ سوی سړک زیروبم نه دی دا زما وطن نه دی
دلته قاتل او وطنپلور دبیت المال خازن نه دی دا زما وطن نه دی
یو اخیر موډ،بل دسل کاله مخکې موډ کالي اغوستي نه دی
دلته هر سړی د بل په درد او غم نه دی دا زما وطن نه دی
نارینه مخامخ ښځو ته نه ګوري تر شا یې پسې رډ رډ ښه نه ګوري
ست ستا یې ټول جار، یوه افغانی نرخ کم نه دی دا زما وطن نه دی
دلته د دنیا وخت تیر او بې کیفته دارو او خواړه بلکل نسته
تر هرپل لاندې د پودریانو باغ ارم نه دی دا زما وطن نه دی
ښځې ماشوم په غیز کې غوټه پر سر ،میړه یې تر مخکه لاس خالي نه ځي
په دې ښه وطن کې سم دم دادب تورتم نه دی دا زما وطن نه دی
دلته هر ناپوه سړی تر هر پوه سړي ګران نه دی په نرخ او عزت کي
دلته خپله دارګ ریاست خیانت ته اکسیجن نه دی دا زما وطن نه دی
دلته یوازې اساسي قانون په لویو غټو بدلمنو بزرګانو ښه چلیږي
رښتیا ویونکی ارګ له ولس سره په چم نه دی دا زما وطن نه دی
دلته دنورو هیوادو پیسې تر وطن دپیسو ډیر ښه نه چلیږي
دلته پر بدو وکیلانو ددنیا د خلکو ریشخند نه دی دا زما وطن نه دی
دلته هر مولوی د خپلي ډول ډوله خیټي مفته فتوا ورکوي
د ملایانو یې ویاړ دخدای سره په چم نه دی دا زما وطن نه دی
خلک له لوږې نه مړه کیږي له دنیا د دومره زیاتوخیراتونو نه
دمرستې غلا ته جیب ډک د هر کارمن نه دی دا زما وطن نه دی
هر بزنس په ټاپ ګیر چلیږي خو یوازې قانون په تیله ځي
دلته د اساسي قانون ناقض رستم نه دی دا زما وطن نه دی
دلته اوس لا د نولسمي پيړۍ ویده خلک ژوند نه کوي
دلته راغلی قرن لا یوویشتم نه دی دا زما وطن نه دی
دلته کار سوی ټوله کورنۍ دبم لکه مور ، پلار او انا ده
دلته تر اوسه کار سوی بم اتوم نه دی دا زما وطن نه دی
وطن ویجارسو خلک مړه سول اوکیږي په بمونو او ځان وژنو
دلته د ارګ احترام پردو ته په چم اوخم نه دی دا زما وطن نه دی
دکابل دریاب لکه د بزرګانو جیب له مرداریو ښه ډک نه دی
دا وطن تر اوسه پوره بوین لجن نه دی دا زما وطن نه دی
موږ د پنځوسو هیوادو سم مرییان یو که خدای کول له خیره سره
هر ډول فساد غلا او خیانت دلته شرم نه دی دا زما وطن نه دی
تر اوسه لا څوک سته چې د وطن د ازادي نرخ او نوا پوښتي
دلته د وطن پلورل کار د هر ژاولن نه دی دا زما وطن نه دی
دلته برزګان لکه مچان پر مرداریو راټول سوی او بنګیږي
تر اوسه چولي د یو لاټ لوی شکم نه دی دا زما وطن نه دی
دلته بدلمن او غوړمېچن لوی لوی ټاکنیز مقامونه نه لري
دلته تر قیامته غلط دهغو الېکشن نه دی دا زما وطن نه دی
تر اوسه دلته دبل مرییان ډیر قدر، واک اوعزت لري
دهر یو خوار کوز دیو تڼ کم نه دی دا زما وطن نه دی
په دې وطن کې تراوسه برابر ټول کامونه سوي نه دي
تر اوسه لا دلته پښتون بني ادم نه دی دا زما وطن نه دی
خراب کارونه دلته عقلمن داپرېشن په نامه نه تر سره کوي
دلته لا تراوسه ناتو اسره من نه دی دا زما وطن نه دی
دلته وطن و پلوره بیت المال چور کړه خو دیو ګوند لکۍ ونیسه
دلته تر اوسه سیاست په بد چلن نه دی دا زما وطن نه دی
دلته دهر انجمن خوشحالی سته د پښتون د خوشحالی غم نسته
دلته په هر کار کې پښتون شکمن او ګرم نه دی د ا زما وطن نه دی
هر ډول دوا د پښتون پر سر او کورنۍ استعمالیږی لکه سپین موږک
ددنیا لابراتورته پښتون له موږک کم دښن نه دی دا زما وطن نه دی
دا منظور چې را پاسیدلی د ظلم پر ضد دخدای لپاره یې ملاتړ وکړئ
په دوو زرو کلدارو دمزاري خولۍ ضد پمن کم نه دی دا زما وطن نه دی
دا ټول خلک دلته د انسان نه د شنه ډالرو زامن سوي دي
ورته د بدلمنو پردو احترام کم له پنج تن نه دی دا زما وطن نه دی
ددې وطن مالکان هغه دي چې د پښتون په زوکلیدو من من کیږي
تر هغه چې افغان په دې ملک کې پتمن نه دی دا زما وطن نه دی
زموږ یو مشر د امریکا له بمبارد څخه مننه ونه کړه شا باس
تر اوسه د وطن دښمن پتلوڼ لا ژیړبخن نه دی دا زما وطن نه دی
وایي سوله کیږي د بن دیوال نړیږي پښتون سره یو کیږي
تر هغه چې دلته ورک د غلو تمدن نه دی دا زما وطن نه دی
