جمهور رئیس محمد اشرف غني دغه راز وویل، د دوو لویو بندونو د جوړولو کاربه هم په راتلونکي کال کې پیل شي ، دښرنې روغتون به ۱۵۰ بستره شي
ولسمشر محمد اشرف غني د شنبې په ورځ پکتیکا ولایت ته سفر وکړ او دلته یې د ولایت د مقام د اداري ودانۍ تر پرانستي وروسته له بیلابیلو ډلو مشرانو ، ولایتي شورا، ښځو، ځوانانو ، ښوونکو او استادانو ، له امنیتي مسؤلینو او بېلابېلو قشرونو سره وکتل.
ولسمشر د پکتیکا والو ستونزې ، غوښتنې او په دې ولایت کې د شویو کارونو په اړه واورېدل او د دې ترڅنګ یې په ولسي غونډه کې دغه ولایت دویمه درجه ولایت اعلان کړ.
پکتیکاوالو له ولسمشر نه پکتیکا ته د غځېدلو لویو لارو د امن کولو ، د پوهنې په برخه کې داصلاحاتو او پرمختګونو، د بندونو جوړولو ، دې ولایت ته دبرېښنا انتقال ، د پکتیکا پوهنتون د ارتقاع، دروغتیايي خدمتونو دپراخوالي، پکتیکا والو ځوانانو او کدرونو ته د کار فرصتونو برابرول او یو شمېر نورې غوښتنې وکړې اوترڅنګ یې له ولس مشر نه غوښتنه وکړه چې له دې ولایت سره پخوانۍ او اوسنۍ ژمنې عملي کړي
