په خوست ولایت کې پر یوه خبریال وسله وال برید وسو

په خوست ولایت کې د ( ژمن ) په نامه د یوه خصوصي ټلویویزون کارکونکی سلطان محمود خیرخواه نن سهار مهال د نامعلومو وسله والو لخوا ټپي کړای شو وو چي ورسته په شهادت ورسیدی .
دغه پیښه د خوست ښار په ختیځه څنډه کې رامنځته شوې، نوموړی تر ټپي کیدو وروسته روغتون ته لیږدول شوی، چي د ژورو ټپونو حخه ئې سها ورکړل 
د هغه کورنۍ او همکاران وایي چې ښاغلي خیرخواه له چا سره شخصي دښمني نه درلوده او نه یې هم له دې وړاندې کوم ګواښ ترلاسه کړی و.
امنیتي مسوولین او د ښاغلي خیرخواه کورنۍ او همکاران په دې باوردي چې ښایي دغه پیښه به د هغه له مسلکي کارونو سره تړاو ولري.
امنیتي ادارو هغه سیمه کې چې ښاغلی خیرخواه پکې ټپي شوی پلټنې پیل کړې دي
د افغان خبریالانو د خوندیتوب کمیټه پر خبریالانو وروستیو بریدونو سخته اندیښمنه کړې او له دې امله له حکومت څخه غواړي چې د خبریالانو د خوندیتوب برخه کې کوټلي ګامونه پورته کړي او پرینږدي چې د اتلسو وروستیو کلونو یوه لویه لاسته راوړنه چې د بیان ازادي ده زیانمنه شي