دخپریدو نیټه : 2005-02-03 مخپرونکئ : 039 - دبېنوا اداره - کابل
د افغان ژورناليست سفر اسيايي هيوادو ته
خالد هادي
د کاناډا د صدراعظم سره د آسیایي هیوادو په سفر کې دافغان رسالی مشر ملګری و
دکاناډا صدراعظم ښاغلي پاول مارتین له خپلې میرمنې شیلا مارتین او ورسره هیت سفر د سونامی ځپلو هېوادونو ته پیل کړ.
.د کاناډا د صدر اعظم ښاغلي پال مارتین د آسیایي هیوادونو چې دتایلند،سری لانیکا، هند، جاپان ،چین او هانګ کانګ څخه وکړه دافغان رسالې مشر احمدشاه هوتکی د لومړنی افغان ژورنالیست په توګه ورسره ملګری و او داسفر چې د جنوری د میاشتې له ۱۴ څخه پیل او د جنوری د میاشتی له ۲۳ نیتې پوری یی دوام وموند.
په دې هیت کې د کانادا یوشمیر وزیران، د پارلمان غړی او کاناډایی ژورنالیستانو ګډون درلود.
دا سفر دکاناډا د پلازمنې اوټاوا د نړیوال هوایی ډګر څخه د کاناډا د صدراعظم په خاصه الوتکه کې پیل سو او د ترکیې پلازمنې انقرې پورې ۱۲ ساعته مسلسل پرواز نه وروسته ورسیدلو . د ترکی د پلازمنې انقرې په هوایی ډګر کې د راکښته کیدو وروسته ، د کاناډا د صدراعظم څخه د انقرې په هوايي ډګر کې د ترکی چارواکو لخوا تود هرکلی وسو او بیا یې د ترکیی د چارواکو سره لیدنه او کتنه وکړه. د انقرې د هوا تودوخی درجه ۱۵- ۲۰ سانټی ګراد ته رسیدله. هوا بارانې او اوریځ وه، د هغه ځای ماښام و.
وروسته له تم کیدو څخه بیا د تایلند په لور پرواز وکړی.
