( بوش په جنګ کې ) پښتوژباړل شوی دی

 له کاناډا څخه خپرېدونکې (افغان رساله) يې په پرله پسې توګه خپروي

 افغان رساله – کاناډا -  ٦ کب ١٣٨٣

د امریکايي  وتلي ژورناليست او د واشنګتن پوست د مسوول مدیر ښاغلي باب ووډوارډ مشهور کتاب ( بوش په جنګ کې - Bush At War) چې په ۲۰۰۳ کال کې خپور سوی وو، د هغه وروسته د افغان رسالې دايمي همکار ښاغلي ډاکټر نثار احمد صمد لخوا د ژباړلې کار پیل کړ او د یو کال راهیسې   د افغان رسالې په مسلسلو ګڼو کې پرله پسې خپریږی   او همدا راز  ددې کتاب د ژباړلې کار تير کال پای ته رسیدلې دی او اوس  دغه کتاب  د افغان رسالې د خپرونو لخوا تر چاپ لاندي دی.

د (بوش په جنګ کې) کتاب به ډیر ژر د مینه والو تر لاسونو ورسيږي .

همداراز  د يادوونې وړ دی چې ښاغلي ډاکټر نثار احمد صمد په سلګونو ليکنې کړې او ژباړلې دی چې په مجاهد ولس، دعوت، ګربت او افغان رساله کې خپرې سوي دی . ډاکټر صمد د څلورو کالو راهیسې د افغان رسالې منظم قلمي همکار دی.

ده څلور کتابونه ژباړلې دي چې درې يې پخوا خپاره سوي  او څلورم يې د يو کال راهسيې په افغان رساله کې په پرله پسې توګه خپريږي .

 د ډاکټر نثار احمد صمد خپاره سوی آثار دا دي :

١ -  ډ ډګروال يوسف او مارک اډکين اثر  ( The Bear Trap) په دری ژبه د (( فاجعه قرن ما))  په نوم د ۱۳۷۴ لمریز کال جدی میاشت  -په ۳۸۴ مخونو کې) دا کتاب وروسته په پيښور کې نامعلومو کسانو بيله اجازې دوهم ځل چاپ کړ او درې میاشتې وړاندې بیا هم همالته بیله اجازې چاپ سو.

٢ -  د مشهور امریکایی لیکوال ښاغلي بروس ریچارډسن اثر (   Afghanistan - Ending The Reign of Soviet Terrer) په پښتو د (( لستوڼې مار)) تر عنوان  لاندې ( د ۱۳۷۷ لمریز کال جوزا میاشت - په ۱۲۰ مخونو کې) .

٣ - د لوډويک اډامیک اثر (  Afghanistan Foreign Affairs to the Mid-Teventieth Century(( د افغانستان د بهرنیو اړیکو تاریخ)) تر عنوان لاندې په پښتو    ( ۱۳۷۸ لمریز کال اسد میاشت - په ۶۰۲ مخونو کی) البته دا کتاب دوه ځل بیله اجازې درې میاشتې مخکې په پیښور کې چاپ سوی دی.

٤ -  د امریکایی مشهور لیکوال ښاغلي باب ووډوارډ (  Bush At War) په پښتو ژبه د (بوش په جنګ کې)  تر عنوان لاندې .

دا کتاب چې څلور سوه مخونه لری تر اوسه خپور سوی ندی مګر دتیر یو کال راهیسې په افغان رساله کې منظماْ خپریږی . او ډیر ژربه انشا‌ء الله له چاي څخه راووزي .

٥  - د کالکا رنجن قانو ګو اثر  ( شیر شاه اور اس کا عهد) پښتو ژباړه همدا اوس تر لاس لاندې ده چې انشا ءالله ژر به تکمیل  او چاپ سي.

د ډاکټر نثار احمد  صمد  برېښناليک پته  : nsamad@hotmail.com

په درناوي

د افغان رسالې اداره

E-mail : afghanpost@rogers.com