دا زموږ زېبا وطن - دا وطن مو ځان دی - دا افغانستان

فضل الرحمن کټوازی – سهيلي کوريا

٣  غويی ١٣٨٤ لمريز

ګرانو لوستونکو او په وطن مينو وطنوالو زه دخپل ګران ټاټوبي افغانستان او دسپيڅلی افغان کلمې دساتلو لپاره ستاسي نه دزړه له اخلاصه هیله لرم چه دپردو ددې نوي استعمار په وړاندي دي رامخکي شي او زمونږ عام وګړي په دې پوه کړي چه زما اوستا دګرانو ګاونډيانو دا اوسنی غیری مستقیم استعمار ډيرخطرناک دی او ددې استعمارشاته پټ لاسونه کارکوي چه هغه زما او ستا د تاريخي هويت دښمنان دي  دا تاريخي دښمنان اوس ديوې او بلي لاري نه غواړي چي خپلي شومي توطيې پرمخ بوزي او زما اوستا دغريبۍ څخه دناوړه ګټي اخستو په مقصد کله درسي توکي راته چاپه وي او زما او ستا طبيعي نوم دافغان پرځای په افغانستانی اړوي ترڅو په راتلونکي کي دافغانستان دوېش يوه نوې طرحه او پالیسي پرمخ بوزي ، اوس سوال دادي چه دپنجاب واکداران  دی مونږ ته دکوم ملی احساس لاندي تلويزيون جوړکړي . دادومره وخت ولي دپاکستاني واکدارانو سره دا احساس پيدا نه شو چه پښتنو ته دي يو بېل چينل جوړکړي.

زما اوستا عام وګړي چي نومونه يي لاهور خان او کشميرخان وي هغوی به ددې پټو دسيسو څخه څه پوهه ولري،هغوی خو صرف دخپلو ګټو لپاره ددې هيوادونو شناختي کارډونه او پاسپورتونه لري. اوس سوال دا پيداکيږي چي  د خداي بخښلي استاد اول مير دا ترانه به ولي نه بدليږي څوک به ددې دسيسې څخه پرده پورته کوي ،زمااوستا دپوهانو او سياستمدارانو دا وجدانونه به تر څو ويده وي.

زما او ستا بعضي  وروڼه په پوهنتونونو کی دپتلون او نکتايي سره مبارزه کوي،ګرانو وروڼو پتلون او نکتايي دومره خطرناک ندي لکه څومره چه زما او ستا دګاونډي  هيوادونو دانوې کلتوري ديپلوماسي .

 زما او ستا افغان خويندي او وروڼه دخيبر په نامه دې تش په نامه پشتو چينل ته کارکوي،او حتی ددې چينل نطاقان هم دي . خو اوس سوال  دا پيداکيږي  چي ولي  زما اوستا وروڼه او خويندي دې دپردو دشومو دسيسو ښکار شي  .

 آيا زما اوستا دولت په خاصه توګه دپردودنوي کلتوري ديپلوماسۍ په نامه دجوړشوي وزارت اطلاعات او فرهنگ، زما او ستا دې په هنر مينو ځوانانو ته موقعه ورکړې؟

 آيا په دی دري نيمو کلونو کی زما او ستا تلويزيون ددې جوګه شوی چه نړۍ خو پريږده دافغانستان په ولايتونو کي خپروني  ترسره کړی؟

آيازما او ستا دطبعي  وطن دا تلويزيون ملي  بڼه لري؟

 د بلي  خوانه دآزادو مطبوعاتو په نوم شخصي تلويزوني  شبکوته اجازه ورکول کيږي چي دفعاليت اجازه ترلاسه کړي،داهرڅه دیوي پټي  دسيسې لاندی ترسره کيږي .

 ددې تلويزوني  شبکو شاته ډيرناڅرګنداوناولي لاسونه کارکوي ددې شخصي  چينلونو دا مصارف دکوم هيواد نه راځي  داهرڅه يولوی سازش دی چي دا هيوادونه يې پرمخ بيايي ترڅو داوږدمهاله پټو پلانونو له لاري خپلي ګټي  خوندي کړي . اوس قضاوت تاسي  ته پريږدم،ولي چي يو طرفته يي ملا راته پيداکړي چه که دتلويزيون نوم واخلم هسي نه چه دوزخي شم او بل طرفته زما او ستا نوی نسل دپردو ددې نوي کلتوري ديپلوماسۍ په وجه خپل طبیعی افغان هويت هم له لاسه ورکړي او ورکوی يې .