١٣٨٤ دغويي پنځلسمه ( نعمان دوست کابل
درنو لوستونکو ! تېروتنه دفرشته جلالزۍ خور ديوې لنډې کيسې نو م دى کومه چې په بېنواويبپاڼه کې خپره شوې ده .
دلنډو کيسو لو ستل او ليکل مې په عادت بدل شوي ، کله چې کومه خپرونه او ويبپاڼه ګورم ا و ل دکيسو برخه يې له سترګو تېروم . نن چې مې بېنواويبپاڼه پرانسته دتېروتنې په نوم کيسې مې سترګې ونښتې او سودا خو مې ورته هغه وخت نوره هم زياته شوه کله چې دهغې تر څنګ مې ديوې پښتنې خور نوم وليد.
دغه نوم دفرشته جلالزۍ و، چې په ناليدلي توګه يې زما په زړه کې ديوې بيدارې ، هوښيارې او دپياوړي قلموالې خورکۍ په توګه ځاى وموند .
زمونږ يوشمېر ليکوالان که خپه کيږي نه نو چې کله ديو شي بازار تود وويني پرته له دې چې خپل (( توليد )) ته پام وکړي خپل (( توکي )) ور وړاندې کوي ، په دغو تو کو کې ځينې داسې هم وي چې نه يوازې دا چې (( پيرودونکي )) نه پيد ا کوي بلکې دبازار رونق هم سړه وي .
دغه کار دشعر په برخه کې شوى دى ، هر چا داسې شعرونه ويلي چې او س دښه شعر موندلو او لو ستلو تلوسه هم له يو شمېر خلکو ورکه شوې ده .
کله چې په دې ورستيو کلونو کې لنډې کيسې دود شوې نويوشمېر ليکوالو ورسره دشعر کانه وکړه داسې څه يې دکيسې په نوم تېر کړل او پرې وې تپل چې که دوام وکړي نو ددې مينه والو په کمېدو کې هم شک نه ښکاري .
له کيسې سره ډېر احتياط ځکه اړين دى چې ، دنثر لوستل نظر شعرته حوصله غواړي ، ځکه له يوې خوا نثر دشعر په څېر اهنګ نه لري او له بلې خوا کيداى شي له نثر سره دشعر په پرتله خلک کم بلد وي .
فرشته جلالزى زما په اند په خپله کيسه کې له ډېر احتياط نه کار اخستى او په داسې ډول يې ليکلي ده چې دکيسې مينوال به يې نورو کيسو ته دومره په تمه وي لکه څنګه چې دا دخپلې کيسې داتل ليدلو ته په تمه وه .
فرشتې يوه کوډګره موضوع په کوډګرو الفاظو کې را نغښتې ده ، په دې کيسه کې تصويرونه خپل دي ، ژبه خوږه ده ، پيښه ښه تسلسل لري ، چاپيريال اشنادى ، نيوکه ده( کورني ميلمه ته څوک ... خوش امد نه کوي .. )) خو نيو که په کيسه نه ده تپل شوې او... داهغه څه دى چې يوه ښه کيسه يې بايد ولري .
دتېروتنې جملو په لو ستلو لو ستونکى دا خيال کوي چې ډيالوګونه لولي نه ؛ بلکې او ري يې او ټولې خبرې اترې يې په مخ کې تېريږي ، ولولئ دغه جملې : (( اى خورکۍ خير دى)) ، (( خو چي زه هغه ووينم ربه ! )) او داسې نور..
تيروتنه که څه هم يو ځاى لږ رسوا شوې (( راته ويې ويل سکينر نه لرم او دغه پلمه يې په بيا بيا تکراروله ))
خو تر پايه پورې لوستونکى يو خوږ انتظار ته پريږدي چې ، دکيسې دبرياليتوب رازهم په همدې کې دى .
ارواپوهان وايي چې نوم تاثير لري ، په دې کيسې هم خپل نوم لږ زيات تاثير کړى دى ا و په ځينو جملو کې املايي او ګرامري تېر وتنې شته .
وګورئ لاندې جملې : د قطر هيواد د ولور ګټلو له پاره په مساپرۍ تللی وي )) سم شکل يې : قطر هېواد ته دولور ګټلو ...
غاړګۍ به مي لا نه وه جوړه چي خوب وړې وم : سمه بڼه يې : غاړکۍ به مې لانه وه جوړه چې ، خوب به ويوړم يا خوب به وړې وم .
ايا نه ليدلې هم له چا سره مينه کېدای شي؟ سمه بڼه يې : ايا نه ليدلى هم له چا سره مينه کوى شي ؟
او ....
دا تيروتنې دومره نه دي چې لوى عيب وګڼل شي ، خو لکه څنګه چې په يوه ښکلې سترګې معمولي داغ هم دچا نه پيرزو کيږي نو .. .
په پاى کې لوستونکو ته دجلالزۍ دکيسې د لوستلو غوښتنه کوم او له هغې څخه دنورو ليکنو هيلې لرم .
