انجنير محمد انعام واک

ښاغلی انجنير محمد انعام واک د محمد اجان زوی  د ١٣٣٣ لمريز کال د ليندۍ ( ١٩٥٤ ډسمبر ) په مياشت کښي د ننګرهار ولايت د سره رود په ولسوالي کي زېږېدلی دی .

ښاغلی واک په ١٩٨٢ زېږديز  کال دپاکستان هيواد ته مهاجر شو .

زده کړي :

د ١٩٦١   څخه تر ١٩٧٢ زېږديز کال پوري يې لومړنۍ زده کړي دليسې تر کچي بشپړي کړي دي .

 ( ١٩٧٣ – ١٩٧٧  ز ) د کابل پوهنتون دطبيعي علومو د پوهنځي دځمکي پېژندني د ليسانس دوره .

( ١٩٧٧ – ١٩٧٧ ز ) شپږ مياشتنی عسکري خدمت ( تعليمي غنډ – ننګرهار )

( ١٩٨٧ – ١٩٨٨ ز ) دکمپيوټر زده کړه پېښور

( ٢٠٠٢ – ٢٠٠٤  ز) د ناروېژي ژبي زده کړه ، داوسلو پوهنتون د تاريخ اوفلسفې د پوهنځي د ناروېژي ژبي کورس – اوسلو .

٢٠٠٣ ز کال دانګريزي ژبي ازموينه د لورنسکوګ عالي لېسه -  ناروې .

٢٠٠٤ ز کال د اوسلو پوهنتون د ټولنيزي انسان پېژندني Social Anthropology   د څانګي محصل .

علمي او څېړنيز کارونه :

( په ټولنيز ه اوسياسي برخه کي )

په ختيځ نورستان کي د اپيني نشه يانو سروې ، واک فونډېشن  ، ( د ORA International چاپ ١٩٩٨ پېښور ) .

١٩٩٤ زېږديز کال  د ننګرهار ولايت د سره رود په ولسوالۍ کي د اپينو د توليد د کموالي سروې ( واک فونډېشن   ، ننګرهار )

١٩٩٤ زېږديز کال په ننګرهار اولغمان کي د اپيني نشه يانو سروې ( واک فونډېشن)

١٩٩٥ زېږديز کال  ( اسلامي بنسټ پالنه ) ناچاپ څېړنه .

( ١٩٩٦ – ١٩٩٨ ز )  ( پښتونولي اواسلام)  يوه ناچاپ  څېړنه .

کار او تجربه :

په افغانستان  اوپاکستان کي :

 ( ١٩٧٨ – ١٩٨٢ ز ) دافغانستان د کانو او صنايعو د وزارت جيولوجيست .

( ١٩٨٨ – ١٩٨٩ ز ) له افغان کډوالو سره د ډنمارک د کمېټې  ( DACAAR) داوبو لګولو د څانګي مسلکي ساحوي کارکوونکی .

(  ١٩٨٨ – ١٩٩٣ ز )  په پېښور کي د ( افغان ملت ) دجريدې مسول مدير .

( ١٩٩٨ – ١٩٩٠ ز )  دافغان نادولتي موسسې ( AAA ) دبياودانولو د برخي مسول .

١٩٩٠ زېږديز کال دافغان  نادولتي موسسې  (  AAA)  مشر .

( ١٩٩١ – ١٩٩٦ ز )  د افغانستان له پاره د واک فونډېشن ( د افغانستان قومي جوړښت   The Ethnic Composition of Afghanistan ) د شپږ کلني پروژې مشر .

( ١٩٩٤ – ١٩٩٧ ز ) د افغانستان د بيا ودانولو دافغان غير دولتي موسسې ARDP  له پاره د ملګرو ملتونو د انکشافي پروګرام  UNDP/ OPS  سره د خوست په ولايت کي داوبو لګولو د يوې پروژې  د تړون لاسليک کوونکی اومشر .

( ١٩٩٠ – ١٩٩٤ ز ) د ARDP  مشر او بنسټ اېښودونکی .

( ١٠٩٤ – ١٩٩٥ ز ) د افغانستان له پاره د واک فونډېشن د خپرونکي اورګان ( مخدرات   The Drugs ) مياشتنۍ جريدې مسول مدير .

١٩٩٩ زېږديز کال _ د افغانستان له پاره دواک فونډېشن د ( طالبان څوک دي Who are the Taliban  ) د سروې او څېړني د پروژې مشر .

١٩٩٩ ز  -  دافغانستان له پاره دواک فونډېشن د( افغان نظرياتو د سروې   Afghan Opinion survey  ) دپروژې مشر .

په ايران کي :

( ١٩٨٣ – ١٩٨٦ ز ) دايران د بوشهر اواصفهان په ولايتونو کي دايران دبيا رغوني د وزارت د کانونو اواوبو د کمېټو انجنير .

په ناروې کي :

( ١٩٨٨ – تر اوسه (٢٠٠٥ ) ز کال ) د افغانستان له پاره دواک فونډېشن بنسټ اېښودونکی او مشر .

( سپټمبر ٢٠٠٢ – جولای ٢٠٠٤ ز ) د ناروې د اکه شوس په ايالت کي د افغان ماشومانو له پاره د مورنۍ ژبي ( پښتو ) ښوونکی .

چاپ شوي اثار :

ټولنيز اوسياسي اثار :

١ _ افغانستان : اسلامي بنسټپالنه اوافغاني ناسيوناليزم  -  په انګريزي ژبه ( پېښور ١٩٩٩ )

٢ _ افغانستان درېيم قوت  - په پښتوژبه  ( پېښور ١٩٩٩ )

٣ _ د افغانستان قومي جوړښت  - دافغانستان له پاره د واک فونډېشن د شپږ کلني پروژې راپور ،  دساپي دپښتوڅېړنو اوپراختيا د مرکز چاپ ( ١٩٩٨ پېښور )

٤ _ د افغانستان قومي جوړښت – په انګريزي ژبه د KOR  چاپ ( پېښور ١٩٩٩ )

٥ _ افغانستان : فډرالي سيسټم؟ - په پښتوژبه د  چاپ ( پېښور ١٩٩٩ )

  شعرونه

٦ _ د شومه دم انګازې  - پښتوشعري ټولګه  ( پېښور ١٩٩٣ )  

دشعر په برخه کي د ( مور ) دجايزې ګټونکی  ( ١٩٧٥ زېږديز کال  - کابل )

۷ _ د ( بوشهر دکانونو پېژندنه ) ، جنوبي ايران په فارسي ژبه  ( ايران ١٩٨٥ )

٨ _ په مرکزي ايران کي دغير فلزي منرالونو لومړنی راپور –  فارسي ژبه ( ايران ١٩٨٦ )

مقالې :

په کلتوري ، ټولنيزو اوسياسي برخو کي ديو شمېر مقالو ليکونکی .

سيمينارونه :

 ښاغلي واک صاحب د ( ١٩٨٣څخه  تر ٢٠٠٥ )  کال پوري په هيواد کي دننه او بهر په يو شمېر علمي سيمينارونو کي د ګډون تر څنګ په ناروې کي د دوو علمي سيمينارونو جوړونکی دی :

١ _ په افغانستان کي دسولي او دموکراسۍ لرليد ( د ٢٠٠٣ زېږديز کال د سپټمبر اتمه نېټۀ  - ناروې )

٢ _ دنوميالي نارويژي ختيځ پوه اوپښتو ژبپوهاند ( ګيورګ مارګن سټېرن   ) سيمينار د ٢٠٠٤ کال د می دمياشتي پر اته ويشتمه .

 ۳ - (  په افغانستان کي دملت جوړوني د لرليد ) د ۲۰۰۵ کال د نومبر پر اتلسمه نېټه د ناروې د ليلستروم په ښار کي جوړ شو .