١٣٨٤ د غويي ١١مه ( بشارت ) کابل
که څه هم چې نړيو ال سياست ډير پيچلى بريښي ، په مخ او څټ يې تر ډير ه سړى نه پو هيږ ي خو په افغانستان کې بيا سياستونه او تګ لارې ډير ې ژر بربنډ يږ ي .
د صبغت لله مجددي سپيڅلى او پاک زړه خو هر چا ته معلوم دى او ډير هيوادوال ورته احترام لري ، خو هيوادوال مو په دې هم ښه پو هيږ ي چې ږير ه زما ،واک يې دملا .
مجددي صاحب هم په رښتيا چې له خپل هيواد سره مينه لري ا و دهيوادوالو دهوساينې په لټه کې دى او هڅه کوي چې په يو ډول په هيواد کې دجنګ او جګړو مخه ونيسي خو دا سپين ږيرى مشر نه قوه لري، نه ځواک ، نه واک او نه شاته تقويه کونکي ، نه يې څوک خبره مني او نه يې څوک غږ اوري .
نوموړي ته چې هر کله دخبرو کولو مهال په لاس ورغلى نو خپل دروغې او جوړې غږيې پورته کړى او له وخت څخه يې ګټه اخيستې .
داچې څوک يې غږ اوري او که نه او يايې څوک خبره مني که څنګه نو هغه دحکومت او خلکو کاردى .
مجددي صاحب دغويي په ٢٠مه په يوه خبري کنفرانس کې په ډاکه څرګنده کړه چې دطالبانو داسلامي امارت مشر ملامحمدعمر او دحزب اسلامي دتنظيم مشر انجينر ګلبدين حکمتيار يې دصلحې او پخلانې دملي کميسيون له مخې اوددولت او ائتلافي ځواکونو له مشورې يې وروسته ددغو دواړو مشرانو په ګډون ددولت ټولو مخالفينو ته دعمومي بښنې وړانديز کوي چې هغوي دې له جنګ او جګړې څخه لاس واخلي او له دولت سره دې يو ځاى شي .
مجددي دهغه خبريال دپوښتنې په ځواب کې چې ددغو کسانو نومونه خو دامريکاپه تورليست کې ليکل شوي وه نو اوس څنګه دوي دبښنې وړوګرځيدل ؟ په ځواب کې وويل چې سياست په وخت سره بدلون مومي نو اوس ددولت او افغانستان سياست بدلون موندلى دى نودوي کولاى شي راشي او په ډاډسره ژوند وکړي .
په دې خبري کنفرانس کې مجددي له خبرو داسې معلوميده چې نوموړى ورخطا ، جدي او آن په لاسونو غږيده چې سړي فکرکولاى شواى نوموړى به وروسته په خپلو خبرو منکراو پيښمانه شي او داخبره بيا په بل ډول تعبير کړي ، ځکه چې نوموړى بې چاره خو ښه غږيده خو ...سړى نه پوهيږي چې دپردې شاه ته دچا لاس دى او ايادمجددي خبره عمر لري او که به له ستوني ونيول شي .
دمجددي صاحب له دې خبري کنفرانس څخه پوره نيم ساعت پژواک خبري آژانس دائتلافي ځواکونو له وياند سره دمجددي دخبري کنفرانس په دې خبرې سره چې ملاعمر او حکمتيار يې ددولت او ائتلافي ځواکونو په مشورې سره بښلي ، مرکه وکړه چې دائتلافي ځواکونو وياندوويل چې دمجددي خبرې غلطې تعبير شوي .
چې ددې راپور په خپريدو سره دمجددي صاحب بېواکي نوره هم ښه څرګنده شوه او دامانا يې ورکړه چې مجددي صاحب زړه خو ډير څه غواړي خو که يې څوک خپلې خوښې او واک ته پريږدي .
دمجددي صاحب داوينا دمطبوعاتو دازادۍ او نوې ټکنالوژۍ له بر کته دسترګو په رپ کې دافغانستان څخه برسيره دټولې نړۍ ګوټ ګوټ ته ورسيده او په همدومره تيزوالي سره دنړۍ په بيلابيلو ژبو وژباړل شوه ، چې دانکار کولو په کې هيڅ پاتې نه شول .
خلک په دې هک پک شول چې مجددي صاحب څومره غټ جرئت وکړ او څومره دواک خاوند شو ، خو خبرنه و چې مجددي صاحب يوازې وايي او بيا ور پسې ګرځي نه .
دمجددي په دې يو ناڅاپي بښنې باندې په هيواد کې مثبت او منفي غبر ګونونه را څرګند شول او دمطبوعاتو له پاره يې دلنګې غوا بڼه غوره کړه .
عمر دومره ژر تيريږي چې سړى هيڅ پرې نه پوهيږي دمجددې صاحب له دې کنفرانس څخه يوازې يوه شپه تيره شو ه او په سبا ته يې بيا مجددي صاحب بل خبري کنفرانس جوړ کړ په هغه کې بيا ديوې ورځې مخکې هغو خبر يالانو ته چې يو شمير خبرنګارانو لادمجددي صاحب دلومړۍ ورځې دخبري کنفرانس خبرې لاله ټيپ څخه نه وې استخراج کړې بيا وويل چې دتيرې ورځې په خبري کنفرانس کې دده خبرې غلطې تعبير شوې وې ده ملاعمر او حکمتيار ته دبښنې اعلان نه وکړى دادولت او خلکو کار دى چې له هغوي سره څه ډول تګ لاره غوره کوي ؟
که څه هم چې دفکر او نظر خاوندان دنن او پرون په دواړه خبرو او سياستونو پوهيږي ، خو دمجددي دخبرو په دې بيخي لنډعمرخواشني دي او ده ته يې زړه په دې خوږيږي چې ددې سپين ږيري او مشر سړي غوږونه کوم ظالم تاو کړي دي چې دى بې چاره په خپلو کړو خبرو پيښمانه شو .
نو زموږ دهيواد والو زړه په دې خوږيږي چې موږ دومره بې وسي او اسيريو چې آن دسپين ږيرو غوږونه مو هم لاتر اوسه پورې پردي تاووي او په خوله يې ورته لاس ږدي .
که څه هم چې دطالبانو وياندلطيف الله حکيمي په خپل کور کې دوي ته بښنه دخندا وړعمل وګاڼه خو له هيواد څخه بهر په سفر تللي ولس مشر کرزي وويل چې دا دصلحې او پخلاينې دکميسيون يو وړانديز دى خو فکر نه کوي چې دطالبانو مشر به يې ومني .
خو دهيواد يوه سياسي مبصر دمجددي دلوموړي کنفرانس په لومړۍ ورځ وويل چې دا ددولت ، ائتلافي ځواکونو او دپخلانې دکميسيون دهم غږۍ پروګرام دى که له دې اعلان څخه وروسته حکمتيار او ملاعمر دې بښنې ته مثبت ځواب ووايه نو بيا به دولت او ائتلافي ځواکونه دپخلانې دکميسيون ددې بښنې داعلان ملاتړ وکړي او که دحکمتيار او ملاعمر له لوري ورته منفي ځواب ورکړل شو نو بيا به دادمجددي صاحب خپله پريکړه وګڼي چې اوس همداسې وشول ، مخالفو لوريو دبښنې دې اعلان ته نه يوازې داچې مثبت ځواب ونه وايه بلکې دطالبا نو وياندبياتر قيامته پورې دجهاد په کولو ټينګار وکړ . خواوس هغه خبره رښتيا وخته چې وايي تشه لاسه ته مې دښمن يې ، نو مجددي صاحب به اوس فکر کړى وي چې اى بې واکۍ ته مې دښمنه يې ، که نه نو ماخو خپله هڅه وکړه . نو اوس به ټولو ته څرګنده شوې وي چې دمجددي صاحب دخولې واک هم له ده سره نه بلکې له بل چا سره دى .
خو ليکنې ته به دپاى ټکى ددرويش دراني په دې شعر سره ږيږدو چې وايي:
بيلتونه داځل دې نو عمر دومره لنډشه چې زه
په لمن اوښکې پاکوم او جانان بيرته راشي
