چې کله غوسه شې نو خپل کور ورانوې ؟؟

١٣٨٤ د غويي ٢٢مه

هېواد حسين خېل - امريکا

زماګرانه ولسه!

چې کله غوسه شې نو خپل کور ورانوې . زما مظلومو خلکو چې تل قرباني تاسو ورکړې خو ثمر يې نورو خوړلی دی، دشوروي سور استعمار تا راوپرځاوه ،خو ورڅخه پاتې غنيمت دايران تالي څټو په نړيوالو بانکونوکې ذخيره کړ ٠ او اوس يو ځل بيا چې دنږدې دوه ميليارده مسلمانانو سپيڅلي کتاب عظيم الشان قران ته دسپکاوي په يوه  اوازه ته په غوسه يې خو له ډيرې بېوسۍ څخه دخپل وطن يوازې څووﻻړ راپاتې شوي دیوالونو ته اور اچوې، اخر ولې ؟ ايا د احتجاج ﻻره همداده؟اياله قران څخه دفاع دځوانو محصلينو وژلوتهﻻره هوارول دي؟؟؟ ستا غوسه پرځای ده اوپر ګران اسلام باندې ستا غيرت ته مې دې سلام وي، خو هغه څه چې ددې غوسې لپاره يې کوې له ناپوهۍڅخه يو ډک کار دی، ځکه په خپل دې عمل د ځان او اسلام دښمنان خوشاله کوې، ستا دکورني سيال هوښيارۍ ته خو لږ ځير شه، دجهاد په وخت کې يې له روس سره دتړون له مخې مليونونه ر وبلونه جيبونو ته کړل هغه وخت همداجلال اباد ورانيده او کندهار سوز يده خو کله چی جهاد بر يالی شو نو ته دوطن دښمن شوې او حکومت ده چور کړاودا دی اوس بيا چې قران ته دسپکاوی اوازه راغلې هغه کرار ناست دی او په پنجشير کې مکتبونه جوړوي خو ته جلا ل اباد ورانوې٠ که ستا نا پوهی همداسې وي بيا خو دعقل له مخې هغه پر تا دحکومت کولو حق لري او ته دالقاعدې اوورانکاري  په نا مه په زندان کې اچول کيږې اخر ولې؟؟

زماولسه !

دا عربان او دا دنړۍ نور مسلمانان ولې چوپ دي ؟؟؟؟ خو ته دې دخپل ورور دوکان تالا کوې او گناه په گناه مينځل غواړې؟؟ ايا د مبارک قران دا ارشاد دې هير دی چې(( دا دالله کتاب دی او الله يې په خپله ساتنه کوي)) ايا الم تر کيف نه لولې ؟ د لوی او قهار خدای( ج) دين دومره کمزوری نه دی چې ته به يې دخپل ورور کور او موټر ته په اور اچولو وگټې، نه ! ته تير وتلی يې دا دمقابلی لاره نه ده راويښ شه ! دلته په غرب کې غير مسلم خلک در پورې خاندي هغوی په خپلو مجلو کې ليکي چې دا قران مجيد ته دسپکاوي پر ضد مظاهرې نه دي ، هسې دا دپښتنو عادت دی چې وږي شي نو يوڅه پلمه کړي او يو د بل کورونه ،موټر اودفترونه تاﻻکوي اوورانوي يې ،بيا نو خاندې وايي دافغانستان هوښيار خلک دا نور دي چې کرار نا ست دي اود خپلو بچو دراتلونکي په هکله فکر کوي، ستا غيرت او اسلامپا لنې ته دې عرب وعجم لوګی شي زما پښتونه وروره! خو داله اسلام څخه ددفاع معقوله ﻻره نه ده :

نشايدکه به کعبه رسي ای اعرابي 

اين راه که تو ميروي به ترکستان است

يوازينۍ ﻻره علم او ابادي ده

زده کړه وکړه

خښته پرخښته کيږده

خپل کور ودان کړه

ځان دسيالانو سيال کړه

او بيا يې ورسره ډزوه

ويښ شه ! ويښ شه! دخدای لپاره! خپل بچي مه وژنه!