دخپریدو نیټه : 2005-06-14 مخپرونکئ : ۴۴ بېنوا - وزیرستان
د لوى كندهار دكلتوري مركې اوومه او اتمه دوې پرله پسې غونډي
خليل الله:: کندهار
يكشنبه او دوشنبه دغبرګولي دمياشتي ۲۳ او ۲۴ چي د جون دمياشتي د ۱۳ او ۱۴ نيټي سره سمون لري ، دلوي كندهار دكلتوري مركې دوې پرله پسي غونډې دمركې دكړنلاري په اړه جوړې سوې چې دهغو په پايله كي دلوي كندهار دكلتوري مركې دكړنلاري په اړه بيلابيل نظريات راټول او كړنلاره يي دټولو وړانديزونو په نظر كي نيولو سره جوړه اود تصويب لپاره چمتو كړه .
همدارنګه په غونډه كي پريكړه وسوه چي د پياوړي ليكوال او څيړونكي
ښاغلي محمد معصوم هوتك چي په دي نژدي وختونو كي له كاناډا څخه هيواد ته راستون سوي دي په اړه يوه غونډه او مشاعره ديكشنبي په ورځ چي غبرګولي د مياشتي له ۲۹ مي او د جون دمياشتي له ۱۹ سره سمون لري دكندهار دراډيو تلويزيون په غولي كي دلوي كندهار دكلتوري مركې په نوښت جوړه سي.
