تصوف او عرفان (۲۶ ) برخه

تصوف او عرفان (۲۶ )  برخه
(علامه محمدمعين الدين ابوالفضل کان الله له ودامت برکاته )
بسم  الله الرحمن الرحیم
محترمواسلامي وروڼوپه تېره برخه کښي ماوتاسي ته دامت مسلمه   دهغوامامانوله جملې څخه چي دتصوف په اړه  دمثبتونظرودرلودونکي دي    دامام نووي رحمه الله تعالی کلام په تفصیل سره درته ذکرکړ،په دې برخه کښي دځينونوروعلماوو نظرونه درته تقديمَوم ـ
(۱)
شيخ الاسلام احمدبن محمد بن علی بن حجرهيتمي الشافعي:
دفتاوی حديثيه په پنځه اويايم مخ کښي فرمايلی دی،
(من انکر علی الصوفية لاينفع الله بعلمه)
يعني  هرڅوک چي پرحقاني صوفيه وو باندي انکاراورد وکړي نوالله جل جلاله بيادده په علم سره وهيچاته فيض اونفع  نه رسوي،   همدارنګه ده په مذکوره صفحه کښي ذکرکړيدي،
(فَکم من منکرعليهم ترکوه وعماه بالخسارة والبوار)
يعني ډېر له هغوعلماووڅخه چي پرصوفيه وو(رحمهم الله تعالی )باندی يې انکارکړيدۍ له ابدی هلاکت اوخسران سره مخامخ سويدی،   همدارنګه ده دمذکورکتاب په څلورسوه پنځلسم مخ کښي ذکرکړیدی چي علامه ابن سقا اوشيخ عبدالقادرجيلاني (رحمهماالله تعالی ) دواړه ديوه غوث وحضورته ورغلل علامه ابن سقا  دبې احترامۍ اودتوهین په نیت ورغۍ اوبیایې دهغه غوث بې احترامي وکړه او شيخ عبدالقادرجيلاني دادب اوداحترام په نیت ورغۍ اودمذکورغوث په حضورکښي يې دادب اوداحترام مراسم پرځاۍ کړل نوپه دې سبب دعلامه ابن سقاانجام داسوچی اخیرعیسایی سواوبې ایمانه له  دنیاڅخه ولاړئ اودشيخ عبدالقادرجیلاني عاقبت داسو چی الله پاک غوث اعظم ورڅخه جوړکړ،داقصه په مذکورکتاب کښي ډېره تفصيل ناکه ده مافقط دمطلب مربوط پخوړورڅخه راواخستۍ،
(۲)
علامه تفتازاني رحمه الله تعالي :
فرمایلی دی         (الحق انهم اخيارائمة)
انظرشرح الروض للعارف العلامه ابوالحسن ابکري ـ،،،
يعني حق دادئ چي صوفيه لکه ابن عربي وغيرهم غوره  اوبهتره دامامانودمسلمانانودي یعني ماسواله څلوروامامانوڅخه ـ
(۳)
سيدشريف رحمه الله تعالي
 دتصوف په اړه فرمايلی دی:
چي تصوف دشريعت دظاهري اوباطني ادابوپرځاۍ کول دي چي په نتیجه کښي ددې بياوهمدغه پرځاۍ کونکی ته کمال حاصلیږی،   همدارنګه ده فرمايلي دي ،
(التصوف مذهب کله جدفلايخلطوه بشيء من الهزل)
انظرتعريفات سيدشريف،ص۴۰و،۴۱ـ
يعني تصوف داسی مذهب دئ چي ټول رښتيااوټول سره نفعه اوفايده ده اوصوفيه هيڅ چټي اوعبث شی له تصوف سره نه ګډه وي،ـ
محترمومسلمانانوپه موجوده زمانه کښي چي  کوم خلګ له حقیقی تصوف څخه انکارکوی تاسی فکروکړی چی ددوۍ دغه ناقصي ککرۍ ،ناقص عقلونه اوفکرونه به په شریعت اوپه حق اوپه حقيقت ډېرپوه وي اوکه به امام نووی،ابن حجرهيتمي،علامه تفتازانی اوسيدشريف په قرآن اوپه حديث اوشريعت ډېرپوه ول سره له دې چی دغه مبتدعين دتصوف اودطريقت دښمنان په ډېروځایوکښي دمذکوروامامانوپه اقوالوسره دليل نيسي او په داسی ځايوکښی بياددوۍ هدايات صرف نظرګرځوي ځکه چی ددوۍ له دغی بدعتی لاری سره توافق نلری ـ
يوه عجيبه خبره خولاداده چی دڅلورومذاهبودعلماووپه اتفاق سره دغه رازپه نامه ملايان چی له حق تصوف څخه منکروی اوپه څلورومذهبوکښی دیوه تابع نه  وی مبتدعه بلل کيږي اوس دوۍ دڅلورومذاهبو وپیروانوته مبتدعين وايی ـ
يوه ښځه له کوره څخه دباندی وتله نویې وخپلی لورته وويل چی کورکښېنه له فلانی ښځی څخه کورګوره ځکه چی غله ده نوکله چی دغه ښځه له کورڅخه ووتله نوهغه غله ښځه یې وکورته راغله اوددې ولورته یې وویل چی ولاړه سه له کوچنیانوسره ساتونه تېره وه کوربه زه ګورم نجلۍ ورته وویل چی يا ،ادې ويل له دې یې ګوره،
اسلامی وروڼوهغه خلګ چی له حق تصوف اوحق طریقت څخه انکارکوی نوهغه دهمدغی غلې  ښځی په مثال دي ،له دوۍ څخه بایددين اوشريعت قرآن اوحديث اوسنت وساتوـ
والسلام ومن الله التوفيق
په دې اړه نوربيا. . .