تصوف او عرفان (۲۷ ) برخه .

تصوف او عرفان (۲۷ )  برخه .
(علامه محمدمعين الدين ابوالفضل کان الله له ودامت برکاته )
بسم  الله الرحمن الرحیم
محترمودتصوف اوعرفان په دې برخه کښي هم دځینو نورو په اسلامي امت کښي منل سويوعلماوو حسن نظردتصوف په باره کښي درته ذکرکوم،
اول، امام فخرالدین رازي، المتوفي سنة ۶۰۶ـ
داسلامی امت مشهورمفسر امام فخرالدین رازي رحمه الله تعالی دخپل کتاب(اعتقادات فرق المسلمین والمشرکین)  په اتم باب کښي کوم چي په احوالودصوفيه وو کښي دئ دصوفیه ووپه باره کښي داسی فرمايلی دی،
(اعلم ان اکثرمن حصرفرق الامة لم یذکر الصوفیة وذالک خطاء لان حاصل قول  الصوفية ان الطریق الی معرفة الله تعالی هوالتصفية والتجرد من العلائق البدنیة وهذاطریق حسن،وقال ایضا،والمتصوفة قوم یشتغلون بالفکروتجردالنفس عن العلائق الجسمانية ،ویجتهدون ان لا یخلوسرهم وبالهم عن ذکرالله تعالی فی سائرتصرفاتهم  واعمالهم منطبعون علی کمال الادب مع الله جل جلاله   وهؤلاء هم خیرفرق الادمیین )
يعني    په دې پوسه چی اکثروعلماووچی داسلامی امت دمختلفوفرقوذکرئې کړیدۍ نودصوفيه ءکرامو له یادونی څخه ئې سکوت کړیدئ اوداکارددوئ غټه خطااوتېر وتنه ده ځکه چی حاصل اوپخوړ دقول دصوفيه وو دادئ چي دالله جل جلاله ومعرفت اوپېژندنی ته درسېدولار داده چي انسان  له بدواوناروا اخلاقوڅخه خپل ځان پاک اوصفاکړي اوله بدني علاقوڅخه خپل ځان مجرداوخالی کړي اواداخوډېره نېکه اوښائسته لارده،همدارنګه امام رازي رحمه الله تعالی  فرمایلي دی چي صوفيه داسی قوم دئ چي همېشه په فکر اوپه خالی کولودنفسوخپلو له جسمانی علائقوڅخه مشغول وي اوپه دې کښي کوښښ کوي چی ددوۍ باطن اوسر دالله جل جلاله له ذکرڅخه په ټولوتصرفاتواواعمالوکښي ددوۍ خالی نه سی اوله الله جل جلاله   سره کامل ادب له دوۍ سره دطبعی کارپه ډول لازم دئ نودغه قسم خلګ ،صوفيهء کرام، بهترین ترنوروډلودانسانانودي ـ
دوهم، حجة الاسلام ابوحامدغزالی ، ،
امام غزالی رحمه الله تعالي په خپل کتاب (المنقذمن الضلال)کښي دصوفیه ووپه اړه ذکرکړيدي چي ځما دی قسم په خداۍ پاک وی چي په علم یقیني سره زه په دې خبره باندی عالم سوۍ یم چي صوفية خاص همدا دوۍدالله جلاله پرلاره باندی  تلونکي خلګ دي اوسیرت ددوۍ دهرچاترسېرت ډېرنېک سیرت دئ اولاره ددوۍ ترنوروټولولاروحقه لاره ده اواخلاق ددوۍ دهرچاتراخلاقوډېرپاکېزه دي ، هغه خلګ چي پرصوفیه ووباندی بد وایي انکارورڅخه کوي وهغوۍ ته  زه داسي وايم چی تاسي په داسي طریقت اولارکښي چي دهغې اول شرط دادئ چي انسان به زړه بالکلیة له ماسوادالله جل جلاله څخه صفاکوي او مفتاح دهغې دلمانځه دتکبیراُولی په ډول  استغراق دزړه دۍ بالکلیة په ذکر دالله جل جلاله کښي اواخیردهغې لاري بالکلیة فناکېدل دي په الله جل جلاله کښي،همدارنګه ده فرمایلي دی چي دحقاني صوفيه ووپه ډله کښي داخلېدل فرض عین دی
والسلام ومن الله التوفيق
په دې اړه نوربيا. . .