مسلمانان بايد دين له چا زده کړي

مسلمانان بايد دين له چا زده کړي
علامه محمدمعين الدين ابوالفضل   کان الله له ودامت برکاته
بسم الله الرحمن الرحيم
نحمده ونستعينه ونصلي علی رسوله الکريم
زما ګرانو  او محترمو وروڼو کوم بيانونه چي زه درته ليکم هغه په غورګورۍ اودغه بيان هم په غورسره مطالعه کړۍ  زه  ومسلمانانوته ددين درسولو په لار کښي  الحمدلله محنت کوم،تحقيق کوم  او  مستنده خبرکوم او  هر مسلمان نر اوښځه که تعليم يافته وي اوکه بې علمه وي  په دې شرط  چي دتعليم اودعلم په عنوان کښي  دضلالت اودبدعت اونفاق  ملا اوعالم نه وي ،متعصب نه  وي ناقص العلمه نه وي  اودمال اودجاه  په محبت کښي  راګيرسوۍ نه وي اودکفار و په لمسون دامت دمسََلّموامامانو دښمن نه وي  اودحديث اودقرآن دتابعدارۍ په دعوه کښي  دحديث اودقرآن دښمن نه وي   نوحتمًابه دده زړه اووجدان  ځمادبیان  په حقوالي باندي  اعتقاد اوجزم کوي  ،محترمو دغه حاضر بيان زما په دې کښي دۍ چي  مسلمانان بايد ددين زده کړه له چا وکړي  دافسوس ځاۍ دادۍ چي که ديوه مسلمان سيکل ،موټرسيکل ياموټر وغيره خراب سي نو  دډېرښه  کامل  مستري پوښتنه کوي اووهغه ته خپل موټر وغيره ورولي اودارنګه که مستريتوب زده کوي ياانګريزي ياکوم بل کسب زده کوي نو په قابل استاذ پسي ګرځي  ليکن کله چي دين زده کوي ديني علم حاصلوي نو بيادوچ اولانده فرق پرده باندي نسته فقط چي سپين کالي يې اغوستي وي اودملا په نامه ياديږي نوترهغه لکه بې موره ورَي سر لاند ي کوي  عام مسلمانان خوپرېږده دديني علم طالبان اکثر زه  په سترګو وينم   چي ترقابل اولايق استاذ ناقابل استاذډېر خوښوي  دناقابل صفت کوي اودقابل اودلايق نقصان بيانوي  داځکه چي لايق استاذ  تقييد اوتحقيق اوتدقيق لري  چي دموجوده وقت پراکثروطالب علمانو باندي دغه کارونه بوج دي  ډېرسخت اومغلق کتابونه پر داسي استاذانو باندي وايي چي که هغه استاذان په خپله هغه کتابونه پر يوه قابل استاذ باندي شروع کړي نوپه پنځه ورځي  به يوسبق زده  نکړی ـ
محترمواسلامي وروڼو تاسي  چي ددين يوه مسئله زده کوۍ نوبايد داُستاذ اودعالم په هرلحاظ پوره تحقيق وکړۍ لکه محمد بن سيرين رحمه الله تعالی چي فرمايلي دي ،
ان هذالعلم دين فانظروا عمن تأخذون دينکم
رواه مسلم

 يعني  بېشکه دغه علم  چي تاسي يې زده کوۍ دين دۍ  نوتاسي ګورۍ اوفکرکوۍ چي  ددغه دين اخذ تاسي له چا څخه کوۍ ، په موجوده زمانه کښي دملا اودعالم په نامه  داسي خلک هم سته  چي کفارو روزلې دي  او  دکفارو دخدمت په وجه    دآياتواوداحاديثو په معني کښي تحريف کوي ،  اودارنګه دملااودعالم په نامه  تاسي خلک هم سته  چي داسلام  پيغمبرصلی الله  عليه وسلم  ددين غله بللي  دی اودارنګه دملااودعالم په نامه  داسي خلګ هم سته  چي داسلام  پيغمبرصلی الله  عليه وسلم   داسمان ترڅرمن  رالاندي ترټولوخلګو دوۍ شربللي دي ، اودارنګه داسي په نامه عالمان هم سته چي دنفسي خواهش پوره کولو دپاره وخلګوته غلطي فتواوي ورکوي بالآخرة دعلم په جامه کښي داسي بدبختان   چي  الله پاک دې برباد کړي هم سته چي له اولياوو څخه په ملعون اوپه خبیث سره تعبير کوي له طريقت څخه منکر دي صوفيهء کرامو ته زنديقان وايي څلور سره امامان اوټول امت مسلمه په باطن کښي کافران اومشرکان بولي ـ

زمادي په  الله جل جلاله سره قسم وي چي ددغه ډول ملايانوله جملې څخه يوملا په خپله وماته وويل چي زموږ په مجلس کښي فلاني ملا پرامام اعظم باندي دکفر فتوا وکړه ،
بيادي زما په الله قسم وي  چي ددوۍ يوه بل  ملا راته وويل چي زموږ فلاني ملګري  وويل  چي امام مالک کافردي ،
 بيادي زما په الله قسم وي چي دوۍ په خپلوکتابوکښي ليکلي دي اوماليدلي دي اوزما سره موجود دي \چي څلورسره امامان اوددوۍ پیروان دوۍکافران اوزنديقان بولي  چي ددغه ډول علما‌سوءپه باره کښي  زما اراده ده چي يوه مستقله لړۍ پيل  کړم ترڅوددوۍ له باطني خباثتو څخه  سره له مستندو دلائلواومراجعوامت  مسلمه خبرکړم  ـ
مولانا روم  صاحب فرمايلي دي  
 چون بسي ابليس آدم روي هست ، پس بهردستی  نبايد داددست
نومحترمووروڼوتاسي چي دين زده کوۍ له کوم عالم څخه نوهغه بايدداسي عالم وي چي تصوف اوطريقت مني  اوپه څلوروامامانوکښي ديوه تابع وي اوله دې سره سره علمي قابليت لري اوپه علم عمل کوي اودکفر غلام نه وي محب دجاه اودمال نه وي ذهني  حريت لري پرمسلمانانوباندي  شفقت لري اوددين خدمت اودالله رضايې مطلب وي اوشجاعت اودلاوري لري بزدله نه وي ،،،
 وماعليناالاالبلاغ المبين
،والسلام ومن الله التوفیق