حجاب په اسلام، عیسایت،یهودیت اوساینس کي - ۶

 (شپږمه برخه)

فخرالموجودات حضرت محمدمصطفی صلی الله علیه وسلم فرمایی: لعنت دی وی پرهغوښځوباندی چی داسی جامې اغوندی لکه دوی چی لوڅې وې۔
ددې څخه مطلب دادی چی ښځې هغه کالی واغوندی چی هغه نازک وی اویاهم داسی تنګ کالی وی،چی بدن له ورایه معلومیږی چی په دې دواړوصورتوکی داښځه لوڅه ښکاری۔
داچی پردې ښځې باندی دلوی څښتن استازی خاتم الانبیاء صلی الله علیه وسلم لعنت ویلی دی؛ داڅومره دفکرخبره ده، اوهغه چاته چی پېغبرصلی الله علیه وسلم بدویلی دهغه ددنیااواخرت ددواړونیکمرغیواوخوښیوڅخه بې برخه شویدی؛ اوشرمنده شوی دی الله جل جلاله دی مسلم امت دداسی بې شرمۍ اورسوایۍ څخه وساتی۔
دحجاب په هکله دامریکې یوه میرمن (میرې واکر) وایي:
دشیطان دوسوسوڅخه دژغورولوپه موخه حجاب یواړین کاردی، له همدې کبله انسان دناوړواعمالواوافعالوڅخه ژغورل کیږی، ځان ساتی، اودیوه الله جل جلاله پوره رضاء پکښې نغښتې ده؛ اودحجاب سره دکایناتوپنځونکی خوښې مله ده۔ ښځه په حجاب کی خپل ځان دحیا، عفت، عزت اوعصمت په جال کی بولی اوهمداسی ده، دناوړوفکرواوکړووړوڅخه حجاب سړی راګرځوی؛ خوزمامشوره داُمت مسلمه ولوڼوته داده چی حجاب وکی، دخدای حکم پرځای کی، دهوس، نفس اوشیطان لاره خپله نکړی داځکه چی حجاب سترګې په پوښو کی رانغاړی، اوزړۀ هم په پوښ کی رانغاړی، اوبل داچی حجاب یوزېوردی، اوزه چی هرځای سفرکوم په ډېراطمنان سره سفرکوم اودهیڅ اندېښنې احساس لاهم نکوم؛زه ولوی خدای ته دادُعاکوم چی دحجاب سکون اوښایست دی وهرې مسلمانې خورته ورنصیب کړی۔
دامریکې یوه وتلې خبریاله ((هیلن)) دحجاب په هکله داسی وایي:
دښځواونرومخلوطه ټولنه ناسم کاردی، چی کوم حالت په اروپااوامریکاکی دی داډېرشرموونکی اونه زغمونکی دی، حجاب نشته، نراوښځې هرځای ګډکارکوی، ګډتعلیم کوی اوګډګرځی؛ دموراوپلاراحترام نشته، ځان وژنې زښته ډېرې دی، دجرمونواوفسادونوګراف ورځ په ورځ مخ په لوړه ځی ، چی درسنیوتاوده ټکی هرورځ همداشیان ګرځېدلې دی۔
ای دمسلمانانوټولنې!!!
شاباش!!! ستاسوپراخلاقو، قوانینواوبنسټونوچی نراوښځه موبېل کړل، حجاب عملی کوی، دمشر، کشرخپلوانو، موراوپلاراحترام اودشفقت پوره جال درپکښې غوړېدلی دی، اوداښکلی اخلاق پوره درپکښې شتون لری؛ هغه جرمونو، فسادونه اوله کرکې نه ډک کارونه چی دلته په نامه متمدنه نړۍ کې شته په تاسوکی صفردی، تاسی دناخوالوڅخه خلاص اوهرڅه ته احترام لری، واقعا هغه قانون چی ستاسولپاره وضعه شوی دی هغه الهی قوانین اودبشریت دټولوستونزوحل دی۔ زماتوصیه درته داده ای مسلمانوخویندو!!! پخپلومذهبی قوانینوپوره عمل وکی اوکه چیری ای مسلمانانو!!! تاسی هم داروپایی اوامریکایی ټولونوپه پله ولاړشی، ددوی رنګ خپل کړی نوضروربه تاسی هم ددوی په شان داخلاقی، روحی، مذهبی اواجتماعی زوال سره مخ شی ، چی بیابه موهیڅ علاج نه وی۔
د((سرجان بېکټ)) تبصره پر حجاب باندی:
په اسلام کی چی کوم اوصول دښځودژوند، استوګنې اوهرڅه په اړه وضع کړل شویدی دبېلګې په ډول سره حجاب ، داکوم ظلم نه دی بلکه عین لطف اودلوړواخلاقویولوړنظام دی؛ اسلام تل دښځوسره دښه سلوک امرکړیدی، اواسلام یواځنی الهی دین دی چی ښځې ته عفت اولطف وربښی، داکوم اوصول چی اسلام پرښځولګولی دائې پرښځونوره اسانې راوستی ده اودوی ئې دهرډول ناوړوکړووړوڅخه دخلاصون په جال کې نغښتی دی، حیا، عفت، عصمت اوژوندئې دهرډول ګرداوغبارڅخه ورژغورلی دی۔
داطبعی خبره ده چی ښځه په طبعي جوړښت اوظاهرشکل کی کمزورې ده نوځکه اسلام نراوښځې سره بیل کړیدی۔
دمصرپه المنار مجله کی دیوې انګرېزۍ ښځې انګېرنه اوحجاب:
دانګلستان ښځوخپل عفت اوعصمت له مینځه یووړ، اوډېرې لږداسی ښځې به وی چی خپل عفت اوحیائې نه ده خرڅه کړې، اویاهم دناوړوپه ډنډکی غوټه نه وی؛ دوی دومره ازادانه ژوندکوی چی حیا، عفت اوعصمت نه پېژنی، اوکه په یوه جمله کی ئې درته رالنډه کړم ، نودوی دانسانیت ددایرې څخه وتلی دی۔
زماپه مسلمانوښځوباندی ډېرقصدکیږی، چی څومره ښه ژوندلری، په حجاب کی ګرځی، دخاوندانوترفرمانونولاندی دمینې اومحبت شپې اوورځی تېروی، اوښه خولاداچی دعصمت پلورولوڅخه پاکې دې؛ چی داډېردویاړځای دی اوداهم درته وایم چی دانګلستان دښځوعفت اوشرف یواځی اویواځی اسلام ساتلای شی اوبس۔
دلویدیځ فلیسوف ((هملټن)) دحجاب په هکله داسی وایی:
اسلام دښځې په هکله هرڅه واضح اوروښانه ویلی دی ، چی داهرڅه دښځې دعزت دساتلوپه موخه سره دی، اوښځه ئې دبې عزتۍ اوضرررسولوڅخه ژغورلې ده، اسلام دښځې وساتنې ته ځانګړې توجه کړېده؛ ځینی مفکرین په دی انددی چی حجاب یوتنګ نظری ده، بلکه زماپه عقیده داحجاب دښځې لپاره دغیرت، مروت اوویاړنمونه ده اوبایدداترویج شی، ولسونه اودولتونه په دې کی پوره ونډه واخلی۔
مېرمن عایشه جوزف دحجاب په اړه لیکی:
موږچی په استرلیاکی دښځوپرستونځوڅه لیکو، څیړنې پرکوو اویائې دښځوڅخه پخپلوغوږواورو، هغه دطلاق مسئله ده؛ چی دادهلاکت، بې اعتمادۍ اوبې باورۍ جال ورځ په ورځ غوړیږی۔ حجاب هغه یواځنی شی دی چی دیوه فامیل اوټولنې ولونه ټینګوی اومحکم ئې ساتی اوبرعکس بې پردګې هغه شی دی چی دټولنې داټینګ تناوونه شلوی اوټولنې داښکلې خیمه له مینځه وړی؛ په اسټرلیاکی په هغوځایو، سیمواوکلیوکی چی حجاب وی هلته طلاقونه لږاوڅومره چی بې حیایی، بې پردګې اوبربنډتوب په یوه سیمه کی وی هلته طلاقونه دومره بې شمېره دی چی اندازه ئې نه کیږی؛ حتی چی یوه بربنډه ښځه می ولیدل چی دائې (64) میړه وو، اوداټول دطلاقونتیجه، داسلام نشتوالی اودحجاب نه کول دی۔
طبعی خبره ده چی په کومه سیمه کی حجاب وی هلته مسلمانان میشت دی، اواسلام پرعفت اوحجات ټینګارکړیدی، اوپه عمومی ډول سره دمسلمانوفامیلوترمینځ اعتمادشته؛ طلاق هغه مهال واقع کیږی چی کله دیوه خاونداوښځې ترمینځ دعفت اواعتمادپرده جنازه وکړی اوله مینځه ولاړه شی۔
داڅومره دبې حیایۍ، بې عزتۍ اوپوچه خبره ده چی دښځې څخه خپل بنسټیزکارونه لکه دکورکار، داولادروزنه، فامیل جوړونه،دخاوندچوپړ، دټولنې تناوونه ټینګول ، تعلیم کول اوداسی نور۔۔۔داهرڅه ورڅخه پاته شی اودشهوت په ساحل کی ولامبی۔ ددې لعنتی ژوندڅخه دی ټول مسلم اُمت الله جل جلاله وساتی۔ امین
دګل اوملغلرې دزړۀ خواله ،دحجاب ارزښت

يووخت ګل اوملغلرې ددرياب پرغاړه په يوښه شنه ځای کی دزړۀ خواله کوله، چي په دې ترڅ کی ملغلرې ورڅخه وپوښتل :( ای ګله ! ژوند دي څنګه دی؟ اوانسانان څه ارزښت درکوي؟)
ګل پخپل ارزښت اوژواک باندي وملغلرې ته داسي ځواب ورکړ:
(موږدمځکې پرمخ يوډېرغټ خاندان يو، چي مهم غړی مودګلاب ګل دی چي ډېرښه بوی، زړۀ راښکونکی رنګ اوښکلې څېره لري؛ همدارنګه دنرګس ګل، دچمبېلې ګل،دلاله ګل، اوپه ميلنهاونور۔۔۔)
کله چي ګل داخبرې کولې په لومړی ځل ډېرخوشحاله اوپه څېره کې ئې تازګې اودښکلاڅرک له ورايه جوتېده، خوددې خبرې په اوږدو کي ئې اوازپه لړزېدو، دمخ رنګ والوتې اوپه ډېرافسوس سره ئې خپل بيان ته په ژړغونی اوازسره داسي ادامه ورکړه:
(موږوانسانانوته هيڅ ارزښت نلرودوی موږ ددې لپاره کري چي دوی موصرف بويوی، ښه عطرونه اوسينټونه راڅخه جوړوی، دښکلی رنګ څخه موګټه اخلې اوخپل زړونه په موږ باندي تازه اوروښانه کوي، خوددې اړتياوودپوره کېدونه وروسته موږپه کوڅواوچټلوځايوکي غورځوی ترڅودخاوروشومه شوبل داچي همېشه دخلکودپښوپايماله يو۔۔۔۔۔ځکه نووانسانانوته هيڅ ارزښت نه لرو۔)
په دغه بوګنونکی حالت، ژړااوافسوس کي ئې دملغلرې څخه وپوښتل:
(ته پخپل ژوندڅه رڼاواچوه اوخپل دژوندارزښت راته بيان که؟)
ملغلری په روښانه مخ، خندېدونکې خوله،اوخوږه ژبه سره داسي ځواب ورکړ:
(زه وتاته ښه معلومه يمه چي ددرياب په پای کي په ډېريوپټ ځای کي، بياپه يوخړ، زيږ اوکلک پوښ کي په خواږه خوب ويده يمه، ددې سره ـ سره چي دومره پټه يمه بياهم انسانان زمادومره ارزښت لري چي زه ئې هيڅ تصورنشم کولای؛ هغه داچي دوی په شپوـ شپو ځينې وختونه په اونيوـ اونيواوکله خوپه مياشتوـ مياشتوپه ماپسې لټون کوی چي دلټون پرمهال دوی دمختلفوستونزواوکړاوونوسره لاس اوګرېوان دی دبېلګې په ډول: دوی کله دشارک کب سره مخ کيږي اوهغه دانسان لپاره دژوند دختمېدوګواښ دی، کله خوددرياب ترټولوغټ ژوی (لوی شين نهنګ) ورسره مخ کيږی اوورته ګواښ دی، دژووڅخه علاوه کله زه په داسي ځای کي يمه چي هلته ټول زهرجن واښه شتون لري چي داټول د انسان لپاره مرګوني ګواښونه دي خوددې ټولوکړاونوسره ـ سره مامومي اودميندلوڅخه وروسته زمادغه ښکلاچي ماساتلې ده هرڅوک ئې نشي رانيولای، اوکه مي رانيسي نومي په تاج کي پرسرباندي ايږدي اويامي زړۀ ته نژدې پر سينې باندي ديوافتخار اودائيمي ښکلاپه ډول سره ځوړنده کوي، چي زه دخپل ژونداوارزښت څخه ډېره زياته خوښ خوشحاله يمه۔)
ګل ورته وويل:( زه که دچاسره دهغه په خوښيوکې دبېلګې په ډول واده، کوزدې۔۔۔۔ کې دچا سره غاړې په غاړې هم شم خوديوې شېبې لپاره قدرلرم اودلنډمهال وروسته بې ارزښته سم، خزان اودخاوروسره خاورې شم ۔ اوس ته داراته ووايه چي ای ملغلرې ! تادادومره ارزښت له کومه پيداکی؟
ملغلرې بياپه روښانه تندي، غوړېدلې مخ اوخوښۍ سره ځواب ورکړ اوداسی ئې ورته وويل:
(زماګوښه والی اوپټوالي له خلکوڅخه زماارزښت ډېرکړی دی، په ځانګړی ډول سره دازماخړ، زيږاوکلک پوښ چي زه پکښې نغښتې يمه همداپوښ بې قېمته اوبې ساري ارزښت رابښلی دی۔)
اوس موږدګل اوملغلرې ددې خبروڅخه څه لاسته راوړو؟
ګل هغه ښځه ده چي بې پردې ګرځې، اوملغره هغه ښځه ده چي په پرده کې ګرځي۔

نوربیا۔۔۔
په اسلامی پاکه مینه ستاسوورور