ګــــرانه ځــوانه!ځـوانی په کـومه لارکی تیـروی ؟

په ترمذی شریف کی دحضرت عبدالله بن مسعود(رض) څخه روایت دی چی نبی کریم (ص) فرمایلی دی : چی دقیامت په ورځ دبنی آدم له اولادی څخه پنځه پوښتنی کیږی چی دوهمه پوښتنه یی دهغه دځوانی ده چی خپله ځوانی یی په څه شی کی تیره کړی ده ؟
 نوموړی پوښتنه خوځکه ډیراهمیت لری چی دهرهیوادډیره مهمه پانګه اوسرمایه دهغه دکارقوه یاانسانی قوه ده اومهم ترینه انسانی قوه دهغه ټولنی په ځوان نسل کی وجودلری ځکه چی همدادځوانی قدرت اوقوت کولای شی چی دژوندانه پرستونزو سختیواولوړوژوروباندی بریالیتوب ولری .
 که هرڅومره ددرندوصنایعو اوتولیداتوڅرخونه په حرکت کی دی ،اوکه هرڅومره دځمکی له تله معادن اوطبعی منابع راایستل کیږی ،اوکه هرڅومره لوړی لوړی ښایسته ماڼی جوړیږی اوکه ښارونه آبادیږی اوکه هرڅومره دیوی ټولنی داقتصادی فعالیتونوپایی کلکیږی اوپرمختګ کوی اوهمدارنګه که هرڅومره دیوه هیوادسرحدونه دپردیوله تیری څخه ساتل کیږی اوکه دلوی خدای ج حکم په یوه ټولنه کی پیاده کیږی اوبالاخره که په یوه ټولنه کی د ښوونی اوروزنی سطحه لوړیږی داټول څیزونه په یوه ټولنه کی دځوان نسل دفعالیتونواوهڅوله امله رامنځ ته کیږی ځکه ځوانان دهرملت اوټولنی دهیلواوامیدونوپانګه اوزیورګڼل کیږی .
 داددی لپاره چی انسان کله نوموړی دوری ته داخلیږی دماشومتوب دوره نوره پای ته رسیږی اوانسان دمسولیتونویوه نوی چاپیریال ته لاره مومی اوپه یولړټولنیزواوهراړخیزودندوباندی مکلف کیږی .
 په همدی اساس ننی نړی ځوانانوته یوه خاصه توجه لری اوځوانانوهم په ځینومهموچاروکی لکه سیاسی ،اجتماعی ،اقتصادی ،صنعتی اواخلاقی کی خپله ونډه اخیستی.
 داسلام مقدس دین هم څوارلس سوه کاله وړاندی دیوی جامع ،نیکمرغه اودسعادت نه ډکی برنامی پراساس ځوانانوته یوه ځانګړی پاملرنه کړی ده په داسی ډول چی هیڅ ټولنی ،کلتور،دین اوبشری برنامی تراوسه ځوانانوته داسی پاملرنه نه ده کړی داسلام دین ځوانان له مادی ، معنوی ، روانی ، تربیتی ، اخلاقی ،اجتماعی ،دنیوی اوآخروی اونوروټولوپلونوڅخه ترمراقبت اوڅارنی لاندی نیولی دی لکه اوس چی نورومذهبونواوکلتورونودځوانانودنړی دځینوبرخولپاره نیولی دی .
 نوځوانی دانسان په ژوندانه کی یوځانګړی ارزښت لری چی انسان په دغه حساسه اودولولونه ډکه دوره کی ډیرهغه څه ترسره کولای شی چی دکوچینوالی په دوره کی یی نشوالی ترسره کولای اونه به یی د بوډاتوب په ىوره کی ترسره کړی .
 نودانسان دعمر سپیڅلی دوری ته ځوانی ویل کیږی په تیره بیا چی سړی نوی دځوانی دی مستی اوشوخی دوری ته ورسیږی نوله ځان سره نوی هیلی اوامیدونه راوړی اوپه زړه کی یی دمینی ،آزادی اوپرمختګ ولولی څپی وهی اوله دی لاری غواړی چی خپل ځان دانسانیت لوړوپوړونوته ورسوی اوپه خپل ځان کی ژرترژره یوبدلون راولی یعنی خپل فکری قوت ته وده ورکړی اوپه هغه معیارونوځان سمبال کړی لکه څرنګه چی یوه ځوان ته ښایی اودټولنی وګړی هم ورڅخه تمه لری.
 څرنګه چی دادوره ‌ډیرکم وخت دوام کوی اوژرتیریدونکی ده نولازمه داده چی یوځوان باید دځوانی ددوری ځینوفرصتونوته ښه ځیرواوسی چی په دی دوره کی دسړی مخی ته راځی چی له هغه څخه بایدسالمه ګټه پورته شی ځکه چی کیدای شی دافرصتونه بیامخی ته رانه شی هغه دچاپه خبره چی بیابه سړی لاس ټکوی اوڅه به په لاس نه ورځی په همدی توګه په دی دوره کی سړی ته ځینی محدودیتونه مخی ته راځی نویوه ځوان ته په کاردی چی دهغه په مقابل کی کلک ودریږی اوکوښښ وکړی چی هغه محدودیتونه کم کړی اودهغه دله منځه وړلولپاره دپوره صبراوزغم نه کارواخلی اوخپل احساسات په یوه منظمه توګه سره ترخپل کنترل لاندی راولی اودټولنی دنوروخلکوسره چی دعمرزیاته تجربه لری دهغه له سالمومشورواونظریاتوڅخه هم یوڅه ګټه پورته کړی او له ځان سره یی وساتی ترڅودضرورت په وخت کی دا پټه سلاح په کارواچوی .
 نوځوانی هغه سرمایه ده چی دلوی خدای ج څخه انسان ته یوځل ورکول کیږی ترڅودهغه قدراوارزښت ورته معلوم شی چی آیاپه کومه لارکی تری انسان استفاده کوی دحق په لارکی اوکه دباطل په لار کی اوانسان هم بایدپه دی پوه شی چی که چیری دادوره تیره شی بیانه راګرځی نوبایدپه ښه توګه له هغه څخه استفاده وشی .
 خومتاسفانه چی اوس زموږپه ټولنه کی داسی ځوانان لیدل کیږی چی دځوانی د دی سترنعمت په قدرنه پوهیږی داسی ځوانان ترسترګوکیږی چی ځوانی تنهاد بی ځایه ساعت تیریو، رشخندیو ،بی بندباریواوبی ځایه هوسونودوره بولی اوتراوسه دځوانی په اصلی حقیقت اوغوښتنونه دی بلدشوی ډیرځوانانو خودپریدوکلتوراوفرهنګ په ځان منلی دی اوداسی جامی اغوندی چی ددنجونوله جاموسره هیڅ فرق نه لری اوپه دی توګه دخپلوګاونډیانودنجونوپام ځان ته رااړوی یعنی دخلکوناموسونوته درناوی نه لری اوهغه ته ځینی بداوناوړه الفاظ استعمالوی .
 په همدی ډول ویلای شو چی نن ورځ ډیری نجونی هم ترسترګوکیږی چی سمی جامی نه اغوندی اوپه ډیروبدوزیوراتوسره خپل ځانونه ښایسته کوی اوپه ټولنه کی ځانونه راښکاره کوی چی دادواړه ډلی دټولنی آرامی اونظم له منځه وړی اودانسانیت له چوکاټ څخه یی دحیوانیت په لوری بیایی چی داکارداسلام ددښمنانودخوښی سبب ګرځی .
 خوزه په ځوانوخویندواووروڼوباندی داغږ کوم څرنګه چی مونږ اوتاسی دخپل دین داصولوپه رڼاکی کولای شوچی په ښه توګه سره دځوانی څخه استفاده وکړونوبیادڅه لپاره ځینی کارونه اومسایل چی دیوه مسلمان ځوان لپاره مناسب نه دی ترسره کړواوخپل ذهن ،اخلاق اوفکرورباندی خراب کړو.
 ای مســـلمانو ځـــوانانو!
نوراځی داسلامی بډایه کلتورڅخه ترڅوچی ځوانان یوپه ښه توګه سره ګټه پورته کړواوکنه نودقیامت په ورځ به ددی پوښتنی لپاره چی ځوانی دپه څه شی کی تیره کړه ځواب ونه لرواودلوی خدای ج په رنګارنګ عذابونوبه مبتلاشو.
 په پای کی ګرانه ځـــــوانه !
په دی پوه شه چی ستاپه وجودکی یوه لویه پانګه څپی وهی چی ستاله تصورڅخه لوړه ده نوداپانګه دخپل دین اوټولنی لپاره مصرف کړه اوخپله ټولنه له معنوی فقرڅخه وژغوره کوم چی دجهل اوناپوهی په لارو روان دی اودګناهونودرانه پیټی له ځانوسره وړی هغه ته خلاصون اونجات ورکړه.اوبس.