يادګاري عکسونه

 د بدخشان د ارګو ولسوالۍ د اب باريک په سيمه کې ځمکه وښويده او څو کلي د خاورينو غونډيو لاندې شول ، له ګډو وډو سر شمېرنو له مخې په سلګونو ژوندي لالونه تر تورو خاورو لاندې راګيرول د مرګ او ژوند سره لاس او ګرېوان ول ، وروستۍ سلګۍ يې په خولو کې وې او د ناهيلۍ اوښکې يې پر ګلاليو اننګيو راماتې وې ، تر خاورو لاندې ژونديو غميو د دولتي پلاوي خبرې اورېدې او د هرې وروستۍ سلګۍ سره يې انګېرله چې اوس به يې دولتي لوړ پوړی هيۀت له خاورو راپورته کړي او ژوند به يې وژغوري ، خو درېغه چې د زراعت وزير اصف رحيمي ، د اوقاف وزير شهراني ، د سرې مياشتې ريسان ، د اقتصاد وزير شيخ ارغنديوال د پارلمان وکيلان او ٠٠٠٠په سيمه کې پرسرو غاليو ولاړ ول او د خپلو البمونو دپاره يې د مسکا او خوشحالۍ نه په ډکه خوله يادګاري عکسونه ويستل او تر دې هم بده يې لا دا چې دغه نيمژواندي لالونه لا ژوندي ول او د ژوندي پاتې کېدلو په هڅه کې ول چې دولت او ملت يې د غيبانه جنازو اعلانونه وکړل٠
 دې ته وايي ايمان ، تقوی ، غيرت او ضمير٠