ایرانیانو په کندهار کي یو تاریخي مسجد ونړاوه !

 
د کندهار په تاریخي ښآر کي د احمدشا ابدالي د وخت  یو دوپړیزه مسجد دایراني لاسپوڅو لخوا له بیخه وکښل سو ، دغه مسجد چي د دسدوزو  په تاریخي او نامتو کوڅه کي ئې موقعیت درلود د ملاشال  مسجد په نوم مشهوره وچي په کندهار کي د  بخارائې سبک له  مشهورو ودانیو څخه یو هغه  و چي دستر امپراتور اعليحضرت  احمدشا ابدالي په عصر کي د سمرقند او بخارا د انجینرانو لخوا  په دوه پوړه کي ودان سوی و .
ددغه مسجد تر شا څو تاریخي کورونه هم د همدې مسجد سره  له بیخه کښل سوي دي .
هغه کس چي دغه مسجد او کورونه ئې نړولي دي  نجیب الله سروري نومیږي چي د کندهار د شیعه ګانو څخه دی چي له ایرانه ئې نا معلومه شتمني کندهار ته راوړی ده او اوس غواړي د مسجد پر ځای یو تجارتي مارکیټ جوړ کي او مسجد د مارکیټ پرسر په دوه دوکانه ساحه کي ابادکړي !!!! .
نوموړي  یاد کورونو د مرحوم حاجي محمدشاه خان کشمیري له زامنو په دې ورستیو کي رانیولې  وه  جالبه داده چی د زاړه کورونو مالکینوهر یو کمال شا کشمیري او احمدشا کشمیري د مسجد ودانۍ هم پر خرڅه کړی ده ، ځکه چی د مارکیټ دروازه د مسجد پر منځ برابره وه د الله په کور باندي په تجارت ئې  د کورونو مځکي لوړ قیمت  پیداکړی وو  .
 
په اسلامي او افغاني  دود چي کمه مځکه د الله  پاک  د کور لپاره وقف سي هغه  بیا هیڅ څوک  خرڅولای او رانیولای نسي !
خو د افغانستان  د نافذه قوانینو له مخي  د تاریخي ابداتو  خرڅول او ورانول یو لوی جرم دی چي د تاریخي ابداتو د قانون لمخي باید  خرڅونکی او ورانونکی دواړه ۱۸ – ۱۸ کاله  په بند محکوم سي .
تر ټولو جالبه ئې دغه ده چي  ددغه مسجد مځکه  د کندهار د املاکي نرخونو برخلاف  د نجیب الله سروري لخوا  متر په ۵۰۰ امریکائې ډالره رانیول سوی دی . چي د نوموړي د شوم اهدافو ښکارندوئې کوي .
دشرم خبره خو دغه ده \ي دغه تاریخي مسجد د کندهار د بې کفایته  ادارې  تر سترګو لاندي نړول سوي   دی  چي د کندهار ښآروال او د ښاروال مرستیال دواړو د مسجد پرځای د مارکیټ جوړولو  غیري قانوني امر ورکړي دي .
د کندهار شرابي ښاروال  قاضي عمر اود اطلاعاتو او کلتور د شرابي ریس دواخان مینه پال څخه  د  دغسي یو غیري  اسلامي  عمل ها خوا د بل څه شي تمه کیدای سي ؟
د کندهار رسنۍ او کندهاریان باید ددغسي  تاریخي ورانیو مخي ته ودریږي  او پرنږدي چي  په تاریخي ابداتو ئې  پردي خاوري واړوي .