د (( نرم او سخت خبر)) په نامه يو نوى کتاب
پښتو ته ژباړل شوى دى. ددغه کتاب ليکوالان بروس ډي ايټول، ډاګلس اې انډرسن، اندرايويوکو او ټامس اې پټرسن
او ژباړن يې تکړه ژورنالیست ،لیکوال او د بېنوا پاڼي همیشنې همکار نذيراحمد سهار دى. کتاب په
سپين کاغذ او ښکلې پښتۍ کې خپور شوى دى. کتاب ١٢١ مخونه لري. په دغه کتاب کې د ژورناليزم پر دوو نويو اصطلاحاتو
((نرم خبر)) او (( سخت خبر)) بحثونه شوي ، چې په لوستلو ارزي. د کتاب د پښتۍ طرح او د کمپوز چارې پخپله ژباړن پرمخ
وړې دي. د خبريالۍ په برخه کې تردې مخکې د ښاغلي نذيراحمد سهار څلور نور اثار هم خپاره شوي، چې وروستى هغه
يې د رپوټ ليکنې ارونه کتاب دى، چې دانش خپرندويې ټولنې خپور کړى دى.