خیر اوخیرت دی
لیکوال: محمود نظري
زما خبریال م لګري له رییس څخه وپوښتل:
دا شرم نه دی چې په کوچنیانو تیر ی ډیر شوی او کوونکی ته يې جزا نه ورکول کیږی؟
ريیس سور اوشین شو او څه يې ونه ویل
ما خپل انډیوال ته وویل: دا دی د رییس صیب څخه ډیره مشکله پوښتنه و کړه!
زموږ څنګ ته ناست سړي موږ ته په غوڅ ډول وویل :خیر او خیرت دی هغه په شرم - م م نه پوهیږي
هغه بیا وپوښتل :ددې بې ګناهو خلکو په وژلو ستاسو د وجدان میږی نه راوښیږي؟
هغه بیا دیخوا هاخوا وکتل ،غومبوري يې لکه افلاطون وپړسیدل او څه يې ونه ویل
ما خپل انډیوال ته وویل: دا دی د رییس صیب څخه ښه پوښتنه ونه کړه ډیره سنګینه وه!
زموږ څنګ ته ناست سړي بیا په غوڅ ډول وویل :خیر او خیرت دی هغه وجدان – مجدان نه لري
زما ملګري بیا له هغه نه وپوښتل :آیادا ملک ا طوایفی بې غیرتي نه ده ؟
دهغه شونډان سره ولاړل او سترګې يې کوچنی شوی لکه پوه چې د ناه پوه نه د ځان ژغورو و لپاره وایي سلام ده وموسل
ما خپل انډیوال ته وویل: بیا دی د رییس صیب څخه ښه پوښتنه ونه کړه!
زموږ څنګ ته ناست سړی و وویل: خیر او خیرت دی هغه غیرت – میرت نه لر ي
بیا می کرار شا ته وکتل او په ژورناليستی جرت مې بیا د رییس صیب څخه وپوښتل:
دا د ومره بمباردکیږی تاسو چوپ یاست ستاسو سنګدان نه ځوریږي؟
هغه لکه په موږ چې ډرۍ وهي سر وښوروه او ولاړ سو
ما خپل انډیوال ته وویل: دا دی د رییس صیب څخه ښه پوښتنه ونه کړه هغه خوابدی سو!
زموږ څنګ ته ناست سړی بیا په غوڅ ډول وویل: خیر او خیرت دی هغه سنګدان – منګدان نه لر ي
ما ددې نابلد ناست سړی ددې غوڅ خبرو اوجرات ته ګوټه په خوله نیولې وه نو د هغه نه مې په هېښتیا وپوښتل : تاسو څوک یاست صیب؟
هغه وویل:
زه
دهغه انجینر یم