(پوليټکل ساينس ته يوه کتنه) کتاب چاپ سو

پوليټکل ساينس ته يوه کتنه د مايکل راسکين، رابرت کورډ، جېمز ميډيورس او والټر جونز ګډ اثر دئ، چي له انګرېزۍ څخه د پښتو ژبي مبتکر او تکړه ليکوال او مترجم ښاغ� �ي ډاکټر محمدصديق ظهير په پښتو ژبه ژباړلى دئ او په دې وروستيو کي په کندهار کي د علامه رشاد خپرندويه ټولني لخوا په ١٩٤ مخونو کي په ښکلې قطع او صحافت سره چاپ سوى دئ.

دغه کتاب په ديارلسو فصلونو کي د سياست د علم او تيورۍ په باب ډېر معلوماتي او تيوريک مبحثونه لري، دغه راز د حقوقي سسټمونو او د حکومتونو د تشکيل او وېش په باب هم علمي ابحاث لري، چي لوستنه يې د معلوماتو پر خزانه اضافه راولي.

د پښتو علمي ترجمو په لړ کي دا کتاب له هغو آثارو څخه ګڼل کېږي، چي په علمي او اکاډيميک لحاظ پوره وزن لري، چي له بده مرغه پښتو ژبي ته د دغسي علمي آثارو ترجمه ډېره لږ سوې او کېږ ي.

پر دغه کتاب ښاغلي استاد محمدمعصوم هوتک او خپله مترجم (ډاکتر ظهير) هم سريزي کښلي دي.
ښاغلى � �اکتر صديق ظهير د امريکا په متحده اضلاعو کي د پردېسۍ ژوند کوي، چي د استاد هوتک په قول يې، په افغانستان کي د ديموکراسۍ تر لسيزي وړاندي او وروسته په پښتو ژبه قلم چلاوه او ډېري علمي، ادبي او سياسي ليکني يې په طلوع افغان او کندهار مجله کي د څلوېښتمي لسيزي په گڼو کي خپرې سوي دي.

دغه کتاب په کندهار، کابل او کوټه کي پر � �اندي ادرسونو تر لاسه کېدلاى سي: