احمد لودين
دافغانستان دکرکټ لوبډلي د کرکټ په روانو سياليو کي چي د اسيا ١٢ هيوادونو برخه پکښي اخستي وه اتلولي تر لاسه کړه .
دغه سيالۍ چي د ليندۍ په لمړۍ نيټه د دوبۍ په ښار کي پيل سوي وي پوره نهه ورځي يي دوام وکړ چي پايلوبي ته يي دافغانستان او متحده عربي اماراتو لوبډلي ته راووتي او تيره ورځ يي يو له بل سره لوبه وکړه د افغانستان کرکټ لوبډلي د د اتو لوبغاړو په سوځېدو په ټاکل شويو ٢٠ اورونو کې ١٩٦ منډې جوړې کړې .
چې د افغانستان د ورکړل سوې موخې په ځواب کې، د متحده عربي اماراتو د لوبډلې ټول لوبغاړي په ١٤ اورو کې وسوځېدل او ١١٢ منډې يې جوړې کړې . په دغه پايلوبه کې افغان لوبغاړى محمد نبي عيسى خيل د ٧٠ منډو په جوړولو او د مقابل ټيم د ٤ لوبغاړو په سوځولو سره، د لوبې د غوره لوبغاړي په توګه وپيژندل سو. او لوبه يي وګټله او دنوموړو سياليو لمړۍ مقام او اتلولي يي تر لاسه کړه
افغانستان له دې مخکې سعودي عربستان ، هانګ کانګ، سنګاپور، متحده عربي اماراتو او چين ته هم ماتې ورکړې وې.
د افغانستان د کرکټ لوبډلي په دي بريا ټول افغانان خوښ دي او په زړونو کي په ځانګړو خوښيو دا بريا لمانځي .