میرویس جلالزی
د پروان ولایت د فوټبال لوبډله د افغانستان د مرکزي زون د فوټبال په سیالیو کې لومړی مقام خپل کړ او خپل تکړه رقیبان یې یو په بل پسې په ګونډو کړل.
له دې اتلولۍ سره دغه لوبډله په دې وتوانیده چې د افغانستان د فوټبال د ملي لوبډلي د غوراوي په سیالیو کې د ګډون چانس تر لاسه کړي.
په دغو سیالیو کې چې له څو ورځو را پدې خوا رواني وي د بامیانو، پنجشیر، دایکندۍ، کاپیسا، پروان او بغلان ولایت فوټبال غوره لوبډلو برخه درلوده .