دپښتو او دري دوه نوي قاموسونه له چاپه راوتلي دي

انګليسي پښتو قاموس او انګليسي دري قاموس دوه هغه نوي کتابونه دي چي په دې وروستيوکي دسباوون د ژبنيو خدمتونو مرکز له خوا په لندن کي په ښکلې بڼه او عالي کیفیت نوي له چاپه راوتلي دي. دغه قاموسونه چي هريويې دانګليسي ژبي نژدې ۲۰۰۰۰ مروج، معاصر اوکليدي لغتونه په ځان کي رانغاړي، په روانه او ساده ژبه ژباړل سوي دي.
دسباون دژبنيو خدمتونو مرکز (Sabawoon Language Services) هلي ځلي کوي چي د ښو او معاصرو قاموسونو په خپراوي سره د ټولو مينه والو او په ځانګړې توګه بهرمېشتو افغانانوته دژبنيو زدکړو په ډګرکي اسانتياوي برابري کړي.
د قاموسونو ددغي لړۍ په باب نور مالومات له www.afghandost.com څخه ترلاسه کولی سئ.
دسباوون دژبنيو خدمتونو مرکز- لندن