میرویس جلالزی
د افغانستان د کرکیټ اتلان په ویست انډیز کې له هندوستان سره د خپلې تاریخې لوبې را رسیدو ته شیبې شمیرې.
د افغانستان د کرکیټ د قهرمانې لوبډلي کوچ کبیر خان وویل چې دوي به له هندوستان سره تر ټولو سخته مقابله وکړي ځګه چې دغه ټیم په کرکیټ کې د نړۍ په کچه وتلی ګڼل کیږي.
کرکیټ په هند کې سل کلنه سابقه لري په داسي حال کې چې په افغانستان کې یوازي اته کاله کیږي چې کرکیټ غوړیدلی دی .
د کبیر خان پر وینا کې یو بالر اشتباه کوي او سوځي نو بل بالر به د هغه ځای نیسي او که یو بیټ مین سستي وکړي نو بل قهرمان بيټ من به د هغه تشه ډکه کړي.
کبیرخان له ټولو افغانانو وغوښتل چې د خپلې لوبډلې د بریا لپاره دعا وکړي .
که چیرته زمونږ لوبډله هند په ګونډو کړي نو بیا به له بل رقیب جنوبي افریقا سره سیالۍ ته را وزي.