لولپه شوم

 تازه يې له روغتون څخه خارج كړى و. .ښځې مې راته وروستى اخطار راكړ چې نن حتماً له دفتر نه رخصت راواخله چې پوښتنې ته يې ورشو اوكه رخصت دې وانه خېسته ،نوچادري په سركوم اوپلار كره مې ځم. مجبوروم چې رخصت مې راخېستى وى،ځكه بيادې شيشكې سره چاګزولى شوه .
 راغلم ،له كوره مې راوويسته اورېكشه كې كېناستو .څنګه چې په دروازه ورننوتو دميرام ګل اوزماښځه سره غاړه په غاړه شوې ستاينې يې پيل كړې.
 (( ...........ښه شوه بلاوه بركت يې نه وه اهي هې هې هې اوداميرام ګل خوريې مې خداى راته وساته ايهې هې هې هې ماهغه بله شپه هم همداسي خوب ليدلى و ايهې هې هې هې هې ))
 _((..............وۍ داخو ستاددعاګانو بركت و اوهو هوهوهوهوهو......))
 زه هغه كوټې ته لاړم چې ميرام ګل پكې پروت و .اوښځه مې هلته نورو ښځوسره كېيناسته ،ميرام ګل په ويش اووۍ كې پروت و .شېبه پس لږ ارام شو. پوښتنه مې ترې وكړه چې وه هلكه !داولې اوڅه درباندې شوي ؟
 ميرام ګل په سختۍ سره مخ راواړوه ،سترګې يې دروازې ته كړې اوپه كراره يې راته وويل :
 ((داټول مې دښځې بګوې له لاسه وڅكل .......غوږ شه چې كيسه درته وكړم ،دې بګوې ته مې وويل چې لږ ې تړمې اوبه راته كېږده چې ولامبم .داخبره نه وه سم دټوپك ډزو پرې ،دكاليو ډبولو څوباړى يې راپسې واخيسته .اړخ په اړخ يې واړولم ، په لوڅې تنې مې دباندې منډه كړه ،هلته مې حوصله برابره كړه زوى مې چې سرته ولاړو اومړه، مړه يې راته كتل ،ورته مې وويل:
 هله زويه! منډه كړه هغه زماتور پلاستيكي بوټان راوباسه ..........))
 مايې خبره غوڅه كړه اوومې ويل : ((ولې ؟ په همدې يو خبره يې ووهلې ؟))
 هغه اسويلى وكېښ ،يوځل بيايې دروازې ته وكتل اوراغبرګه يې كړه:
 (( وايم يې درته ،هرڅه درته وايم .غوږ كېږده. دابګوه دڅوورځونه راپسې شله وه چې دخاله دخسر لمسي مې واده كړى ،ډودۍ ورته و كړه .ماغوږونه كاڼه اچولي و ،ځكه د كور حا لت خو مې ته ښه ګوري. بس دې خبر ې ګزك كړى واوسريې دلته راووته.
 زوى مې چې بوټان راوړل، پښومې كړل اوسقاوې ته لاړم .دازمالومړى ځل وچې زه سقاوې ته دغسل لپاره تلم. كله چې ننوتم نو نايي راته دشامپو ست وكړ. يو درې پاكټه مې ترې واخېستل، مخ په تشناب شوم .تشنابوكې تاوده تپونه ختل . دسطل نلكه مې راخلاصه كړه، تر هغې چې سطل ډكېده ،ما كالي مالي وويستل كېناستم .دوه ډولچې اېښې وې دواړه مې سطل كې غوپه كړې اوپه ځان مې واړولې .له اړولو وروسته نور په ځان پوه نه شوم همدومره چغه مې وكړه: ((وه خدايه !لولپه شوم ))
 يووخت سترګې غړوم ګورم چې روغتون كې يم .يودوه نرسان مې سرته ولاړو له خندا يې تشي په لاسونوكې نيولي و اوماته يې ويل چې هغه بله نلكه به هم دې پرانستې وه كنه . تاخو يوازې دتودو اوبو نلكه خلاصه كړې وه .