د جنرال تګ د طالبانو دریځ
سرچینه:فرانس پرس
ژباړه او ترتیب: میرویس جلالزی
د امریکا جمهور ریس د ځان او رژیم پر وړاندي په افغانستان کې د خپل قوماندان د منفي څرګندونو په سبب جنرال ستنلي مک کریستال له دندې ګوښه او پر ځآی یې دیوید پتریوس د نوي قوماندان په توګه وټاکل .
دغې موضوع په نړیوالو رسنیو کې په پراخه کچه خپراوی وموند.
فرانس پرس هم په دې باب یوه لیکنه کړي چې ځيني مهمې برخې یې درته را اخلو.
فرانس پرس د کرستال د بدلون په اړه د طالبانو دريځ را اخیستی دی .
چینل لیکي چې طالبان ویلي چې د جنرال ستنلي مک کریستال ګوښه کیدل هغوي ته اهمیت نه لري او په افغانستان کې به د بهرنیو سرتیرو پر وړاندي خپل مقاومت ته تر هغه دوام ورکوي تر څو چې دغه سرتیري له افغانستان څخه نه وي وتلي.
فرانس پرس د طالبانو د ډلي ټپلې له نطاق یوسف احمدي نه په نکل کاږي چې مونږ ته فرق نه کوي چې کوم یو قوماندان وي پتریوس که مک کرستال .
قاري یوسف ویلي چې طالبان به د هغوي پر وینا د خارجي عسکروتر وتلو پوري په افغانستان کې خپل مقاومت ته دوام ورکوي.
د تیرې چهارشنبې په ورځ واشنګټن په افغانستان کې خپل جنرال بدل کړ.
نوموړی جنرال د کرزي د عسکر په نامه یادیده او له همدې امله اوبهاما پرې نیوکه وکړه.
قاري یوسف په کرزي انتقاد کړی چې په بي ننګۍ سره د امریکا له ولسمشر بارک اوبهاما څخه غواړي چې جنرال کرستال په خپله دنده پریږدي.
طالبان چې د ناټو پر وینا تیر کال یې پوره هڅه دا وه چې له ولسي خلکو د ډال په توګه کار واخلي او د خارجي عسکرو په عملیاتونو کې دغو خلکوته د سر او مال د زیان د اوښتو له کبله پرې نړیوال ا نتقادونه را وپاروي، جنرال کرستال د طالبانو د دغې ستراتیژۍ د مهارولو لپاره مهم اقدامات په لاره واچول او تر ډیره بریده یې دولسي افغانانو د مرګ ژوبلې مخ نیوی وکړ.
فرانس پرس آژانس لیکي چې چنرال کرستال یو با تجربه عسکر وو چې په افغان ماموریت کې یې ډیري خلا ګاني پټي کړي او د امنیت د راوستلو لپاره یې له کرزي سره په ګډه هغسي ګامونه پورته کړل چې تر ډیره برید د افغانانو لپاره قناعت بخش ول.
By Mirwais Jalalzai