میرویس جلالزی
د اروپایي ټولنې له خوا وروستۍ شمېرنې ښیي چې ددغې لویې وچې نږدې دریمه برخه یعني ۲۹ سلنه وګړي په منظم ډول په سیګرټو روږدي دي.
د یورونیوز د راپور له مخې ددغې نظرپوښتنې له مخې په سیګرټ څکونکو کې سړي دېر دي او په ۲۹ سلنه سیګرټیانو کې چې په منظم ډول سیګرټ څکوي ۳۵ سړ ي او ۲۵ ښځې دي.
د اروپایي ټولنې د روغتیایي چارو مشر جان ډالي:۶۳ سلنه اروپایان په عمومي ځایوو کې پر سیګرټ څکولو د بندیز غوښتونکي دي او ۶۵ سلنه هم دا غواړي چې په پلورنځیو کې سیګرت رانیونکو ته ښکاره کې نه ښودل شي.
د اروپايي ټولنې کمېسون د سیګرټو د ممنوعیت لپاره د خلکو عمومي ملاتړ ته په پام سره غواړي چې دغو توکو بندیزونه ډېر کړي.
د دغه راپور پر بنسټ سیګرټ څکول په اروپایي هیوادونو کې د مرګ لومړنی عامل دی.
هرکال په اروپای کې شپږلکه ۵۰ زره کسان وارمخکې مري چې ۱۹ زره یې هم د نورو د سیګرټ د لوکي لامله دي.