د 2011 د كركټ د نړيوال جام له پاره د روانو سيالو په دوران كې د سه شنبې په ورځ د نيدر لينډ او د انګلستان لوبډلو تر منځ لوبه و شوه، د لوبې په پيل كې د خوښې پچې په اچونې سره چې د نيدر لينډ وخته او پخپله يې د بيټينګ كول غوره كړل، په پيل د نيدر لينډ ډېر په زړورتيا سره لوبه پيل كړه، چې د خپلو شپږو لوبغاړو په وركولو سره يې په ټاكل شويو 50 اورونو كې 292 منډې هدف انګلستان ته وركړ.
د لوبې په دويمه پړاو كې كله، چې انګلستان بيټينګ پيل كړ، په مسلسله توګه يې د نيدر لينډ بالران تر تاثير لاندې راوستل چې تر 242 منډو وهلو پورې يې ايله د انګلستان لوبډلې 2 لوبغاړي له لاسه وركړي وو، ټاكل شوى هدف د انګلستان لوبډلې د 4 لوبغاړو په سوځېدلو سره د 48.6 اورونو په بشپړېدو سره پوره كړ، چې شپږ لوبغاړي هم له ځان سره لرل او لوبه د انګلستان په ګټه تمامه شوه.
د يادونې وړ ده ، چې د نيدر لينډ لوبډله دومره پياوړې نه ده، خو بيا يې هم دومره لوړ هدف مقابل لوري ته وركړ، چې دا په روانو سيالو كې دويم لوى هدف دى، له دې دمخه هندوستان د جام لومړى سيالي له کوربه هیواد سره لرله، وركړى وو، د سياليو بله لوبه به د چهارشنبې په ورځ د پاكستان او كينيا تر منځه ترسره كيږي.