دملائکو له عثمان رض څخه دحيا وجه اودهغه وخت:

فتوانمبر(۶۳۴)

مفتي  :
ستر علمي او روحاني شخصیت علامه، محقق محمد معين الدين أبوالفضل ، افغاني کان الله له ودامت برکاته .

مستفتي:سلام،
ومحترم جليل القدر عالم ابوالفضل صاحب اودبېنوا وټولو کارونکوته سلامونه وايم پس له سلامه زماپوښتنه داده  چي داخبره چي کيږي چي ملائکوله حضرت عثمان(رضي الله تعالی عنه) څخه حيا وکړه نو  دا  کوم وخت وواوڅه وجه وه چي دوئ حيا ځيني وکړه.

الجواب ومنه الصوب

نحمده ونصلي علی رسوله الکريم
 محترمه وروره حافظ سخاوي (رحمه الله تعالی) په خپله فتاوی کښي ذکر کړي دي چي له ماڅخه دهغه ځائ پوښتنه وسوه چي په هغه کي  ملائکة الرحمن له سيدناحضرت عثمان څخه حياوکړه نو ما په دې ډول جواب ورکړ چي په دې خبره زه ديوه معتمد حديث له لاري نه يم عالم سوئ .
ليکن زموږاستاذ(البدرالنسابة) په بعض دمجاميع خپلو کښي له جمال کازروني څخه داسي نقل کړئ دئ چي هغه وخت چي نبي(صلی الله عليه وسلم)په مدينه کي دمهاجرينو اودانصاروپه منځ کښي داخوت او ورورګلوئ عقدونه کول په داسي حال کښي چي انس بن مالک غائب وو اوحضرت عثمان (رضي الله تعالی عنه) ددغه کار لپاره رامخته سو نو په دغه وخت کښي دده سېنه لوڅه وه  نو په دې وجه په همدغه ځائ کښي چي کوم ملائکه وو نو هغوۍ له حضرت عثمان (رضي الله تعالی عنه) څخه پرشاسول ، نونبي (صلي الله عليه وسلم) وحضرت عثمان رضي الله تعالی عنه ته امر وکړ په پټولو سره دسېني دده نو بيا ملائکه بيرته وخپل ځائ ته راوګرځېدل بيا نبـــــــــــــي عليه الصلاة والسلام له دوئ څخه پوښتنه وکړه چي تاسي په څه وجه له خپلو ځايوڅخه پرشاسولاست نو دوۍ ورته وويل چي له حضرت عثمان رضي الله تعالی عنه څخه دشرم اوحيا په وجه.
والسلام ومن الله التوفيق.