فتوی نمبر(۶۴۳).
مفتي :
ستر علمي او روحاني شخصیت علامه، محقق محمد معين الدين أبوالفضل ، افغاني کان الله له ودامت برکاته
مستفتي: عابد کاکړ/هرات/افغانستان.
محترم علامه ابوالفضل صاحب سلامونه مي قبول کړه
پس له سلامه زماپوښتنه داده چي ماله ځيني علماوو اورېدلي دي چي په ځينو وختو کښي چي يوڅوک تنها لمونځ وکړي اوپه جماعت سره هم نه وي نو دغه لمونځ يې دنورو وختو له پنځوستو لمونځو سره برابروي نو دا کوم لمونځ دئ؟؟؟
الجواب ومنه الصواب
نحمده ونصلي علی رسوله الکريم
هو محترمه وروره!په«الجامع الصغير/کي په رقم۵۱۷۴».سره یوحدیث مبارک په دې ډول راغلي دۍ
،الصلاة في جماعة تعدل خمسا وعشرين صلاة فأذا صلاها في فلاة فاتم رکوعها وسجودهابلغت خمسين صلاة».(د ک)عن ابي سعيد الخدري(ح).
يعني:يولمونځ په جماعت سره برابر دئ له پنځه ويشتو لمونځو سره (يعني چي بې جماعته وي)بيا کله چي يولمونځ سړي په يوه دښته کښي وکړي (يعني په داسي حال کښي چي تنهاوي)نو پوره ادا کړي رکوع ددغه لمانځه اوسجده ددې لمانځه نو رسيږي دغه لمونځ دده وپنځوستو لمونځو ته.
مناوي (رحمه الله تعالي) په شرح کښي ددغه حديث ذکرکړيدي چي ددې وجه داده چي سړي چي په دښته کښي په کامله خشوع سره اوپه کامل اداکولو دارکانولمونځ کوي نو بېحسابه ملائکه اومومنان دپېرانانو له ده سره په دغه لمانځه کښي حاضريږي .جامع صغير/رقم الحديث:۵۱۷۴.
والسلام ومن الله التوفيق.