لیکوالان : جوزپه ديګراڅیه او مارتن کنووبي
د اسامه بن لادن ښکار په فلم او ریښتیاکې
دامریکامرکزي څارګره اداره یا استخبارات :
د ترهګرو بنسټګر مشر بن لادن دامریکا د څارګرې ادارې سي ای اې لخوا په څه ډول داوږدې مودې ورسته له پښو وغورځولوشو. د ۲۰۱۱ کال دمۍ میاشت په دویمه نېټه پاکستان کې د اسامه بن لادن پرکور خونړي برید وشو،چې په ترڅ کې دترهګرو جنګسالار په خپل کور کې ووژل شو . څنګه د ده خوندي پټنځاي ومومندل شو او په دغه برخلیک ټاکونکي شپه کې په رښتیا څه پیښ شول .
دشټرن مجلي خبریالانواوپلټوونکود بن لادن قضیه څیړلي،چې څنګه په ریښتیني توګه عملیات ترسره شول .
Zero Dark Thirky
دا دهغي سینمايي فلم نوم دی، چې د المان ،امریکا اونړۍ په ډیرو سینماګانو کې وښودل شو، نوموړي فلم د اوسامه بن لادن وژل کیدل ښیي،چې څنګه دی موندل او وژل کیږي .
د فلم نوم ِِِZero Dark Thirky دغه تورې یا شفیر په پوځې ژبه کې یومهال ویش یا د وخت یوې برخلیک ټاکونکي شیبې ته استعمالږي . دلته مطلب ٬٬ دنیمي شپې څخه نیم ساعت ورسته ٬٬ دی .
پوښتنه دا ده ،چې ایا فلم او ریښتیا له یوبل سره په ریښتیني ټوګه سمون خوري او که نه ؟
ما په خپله ( ژباړن ) دغه امریکایي سینمايي فلم لیدلي دی . په فلم باندې زما خپل نقد او نیوکه .
( مخکې له دې چې د Zero Dark Thirty دغه دوه نیم ساعته فلم ډګ شي، فلم په نړیواله کچه ترسختو سیاسي ، ادبي او هنري ګوتنیوکو لاندې راغي . په نړیواله کچه دبن لادن دښکار فلم یو سیاسي شورماشور او جنجال جوړونکې فلم دی . ان دامریکا په متحده ایالاتو کې پردغه فلم باندې ډیري سختي نیوکې، ټوده او ضدو نقیص بحثونه وشول . سړی سم نه پوهیږي، چې دغه فلم دامریکایانود شکنجو میټودونو ته مشروعیت ورکوي ، یاد دغي فلم له لارې یوه هڅه کیږي، ترڅو د سي ای اې د ځورولو، شکنجو او بشر ضد جنایاتو ،کچه او شدت را ټیټ کړل شي او یا دا دغه فلم د هالیووډ دهنري فلمونوڅخه یو بل هنري، سوداګریزه فلم دی .
همدغه حالت موږ ته د سي ای اې داجنټانولیوني نړۍ راښيي. فلم هر باوجدانه انسان دخپل وجدان له محکمي سره مخامخ کوي . پوښتنه دا ده ،چې شکنجه ورکول او ځورول دیو ټوکې په څیر د ترهګرې ضد جګړه کې په څه ډول یو رول لوبولي شي . ایا دا اجازه شته، چې شکنجه دترهګرې ضد جګړه کې یو رول ولوبوي . په فلم کې داسي ښکاري ،چې شکنجه ورکول او ځورول دامریکايي سیاست یو مشروع منل شوي برخه ده .
بله پوښتنه دا ده، چې ایا شکنجې د بن لادن په موندلو کې اغیزمنه پیریوتي . دغه فلم په خپله ښیي چې نه .
موږ ته اجازه نشته،چې د بوش دحکومت توره او بربري دوره ویره کړو .
دا دیو انسان د ښکاریوستر تاریخ دی .، دا په تاریخ کې دانسان ښکار یوه ستره بیلګه ده .
په فلم اوتلویزیون کې چې په دې ډول دبندیانوشکنجې، ځورول او ربړول نندارې ته ښودل کیږي ، دا په دې مانا ده ،چې خلکو ته دبندیانو شکنجه کول ،ځورول یو نورمال توکي ورښکاره شي . ورسره په ټوله نړۍ کې شکنجې ورکولو ته یو ډول مشروعیت ورکول کیږي .
له همدې امله دغه فلم د اوسکا جایزې نوماندي ته باید کاندید نشي ،دغه فلم داوسکا دجایزې داکاډمۍ لخوا باید بایکوټ کړل شي ،ځکه دغه فلم دهالیووډ کمپنۍ تبلیغاتي جګړه ده ،نه ریښتیا.
هر څوک چې دخلکو شکنجې، ځورولو او کړولو ته چوپه خوله کیني ، هغه سړی یوستره ګنا ه کوي .په تیرو لسو کالونو کې د ترهګرې په وړاندې جګړې کې اودجګړې په دغه پټه جبهه کې، څومره بي ګناه خلک شکنجه ، ځورول او یا وژل شوي دي، د هغي حساب یواځي الله ج ته مالوم دی اوبس . )
د شټرن مجله د اوسامه بن لادن قضیه پلټي، چې د۲۰۱۱ کال د مۍ میاشت په دویمه نېټه کله چې پاکستان کې د بن لادن پر استوګنځی برید وشو، په دغه شپه کې په ریښتیا څه پیښ وشول .
* د ۲۰۱۱ کال د مۍ میاشت دویمه نېټه
کله چې بن لادن په دغه شپه کې دخپل ځان تعقیبونکې او پلټونکې ډلې د راتللو غږ نونه واریدل، ده خپله لور ( مریم ) بیرته خپل کټ ته ولیږله او خپلي ښځې ( امیل ) ته وویل ، چراغ مه مړوه ! .
په دغه شپه دپاکستان په شمال لویدیځ ارام ښار ابیټ اباد کې اسمان تور ه شپه وه ،سپوږمۍ نه لیدل کیده ، ستورې هم نه لیدل کیده او ان پر واټونو چراغونه هم بل نه وو. دچورلکو غږ ونو، غوریګ ، د ډزو د ویرې او ډار له امله په ګاونډکې یوڅوسپې غپیدل .
دبن لادن دکټ تر څنګ په الماري کې AK-47 او د مکاروف تومانچه ایښودلي شوي وې ، ده دغو وسلو ته ګوتې وروړي هم نه وې .
بن لادن تل یوه خړه پټو تر خپل ځان تاوکړي وه . په پټو کې څوسوه یورو پیسې ګنډلې شوي وې او د تیلفون دوه شمیرې ، یوه د پاکستان لپاره د یوګرځنده تیلفون نمبر او بله شمیره د طالبانو قبایلي سیمې ته د P.C.O تیلفون نمبر وه . ده دغه څادر یا پټو دڅوکالو راهیسې، له کله نه چې د نړۍ ستر ترهګر بن لادن پټ او تر تعقیب لاندې و، تر خپل ځان تاو کړي وه .
دا ځلي دی نوره نه پوهیږي،چې اوس څه وکړي . دی په توره شپه کې غلي دریږي، دی بس یواځې انتظار باسي .
په همدې وخت کې دسپینې مانۍ دکانفرانسونو په یوه ډیر ه خوندي او پټه خونه کې بارک اوباما د ټلویزیون په کړکۍکې ده ته ګوري . د دروڼ الوتکې دابیټ اباد دشپي په اسمان کې الوتنې کوي ،الوتکې دده دکور دننه څخه نه ، بلکې د ده دکور دباندې څخه په ژوندی بڼه انځورونه ورلیږي . ولسمشر خپل لاسونه پر زنګوانه ایښودلي دي . دده لید،مخ ډیر وارخطا، حیران او جدي ښکاري . داسې مالومیږي، چې ده په خپل ګردچاپیر کې ټول خلک بلکول وېرکړي دي . لکه خپل مشاوررین ، خپل مرستیال او ده ته نږدې وزیران .
داسي ښکاري لکه ،چې امریکایانوهمدا وس پیل کړي دی ،دخپل دولت اول لمبر دښمن ورسته له لسو ځور ورکونو او شرموونکو کالونو څخه لمنځه وړي . په همدغه شیبه کې ولسمشر هېچ شي نشي کولي ، دی باید هم انتظار وباسي .
* د۲۰۰۱ کال د سپټمبر میاشت ۱۱ مه نېټه
د برید په ورځ په نیویارک او واشنګټن کې هوا لکه دافغانستان په سوئیلي ښار کندهار کې دلمر ځلانده، توده وچه اوسوځوونکي هوا په شان وه . په همدغه ورځ اسامه بن لادن د خپل باډیګارد علي البهلول سره یوځای ناست دی . دا ډیره مهمه خبره ده، چې تا نن زماسره دغه مهم خبر ولید ،د القاعدې مشر وویل .
تردې خبرې ورسته دی دخپلو ملګرو او باډیګاردانو سره دکندهار ښارڅخه ولاړو او د خوست د غرونو په لور روان شو . څوساعته ورسته البهلول په ټلویزیون کې ولیدل ،چې څنګه په نیویارک کې دووې سترې ودانې یوه پر بل پسې را ړنګیږي .
بارک اوباما په دغه ورځ تر ډیره ناوخته ویښ و . دی مجبور و، دخپلي کوچني لور ساتنه، پالنه وکړي او خپلي لور ته د شیدې بوتل ونیسې . دامهال اوباما د Illinois په ایالات کې سناتور و . دی یو ډیر ژمنې ورکونکي ځوان سیاسي چارواکې و. دی په شیکاګو کې د خپلو دواړو لونې او ښځي سره په یوکور کې اوسیدو. دوی دواړو یوبل همدلته سره وپیژندل او نهه کاله مخکې له یوبل سره واده کړ ي وو.
په ټلویزیونونوکې په پرلپسي توګه يوپر بل پسې دالوتکو، د دوو برجونه ،د ګرد او خاورې انځورونه ښودل کیدل اوبیا دیوسړی انځور ښودل کیده ،چې د بریدونو شک پرې کیده .
بارک اوباما د دغو پیښوسره له ډیر پخواڅخه ښه اشنا و . په ۱۹۹۸ کال کې نایروبي او دارالسلام ښارونوکې د متحده ایالاتو پر سفارتخانو بریدونه تر سره شول . په خپله اوباما په یو له دغو سفارتخونوکې هستوګن و، د ده پلار د کینا له هیواد څخه دی .
د ویرجنیا دیو ځنګله تر څنګه په یوکوشني کورکې په نیمه شپه کې د ټیلفون زنګ وشړنګیدو. تیلفون د سې ای اې لخوا و ، د Michael Scheuer مخکینې امر دی . له ده څخه د ده پخواني همکاران پوښتنه کوي، چې نه غواړي بیرته یوې ځانګړې پوځې قطعي ته راشۍ . ددغي قطعه بنسټ په ۱۹۹۵ کال کې ایښودل شوي وو . دغه ځانګړې پوځي قطعه د ده د زوي Ales په نامه نومیده او د پوځي قطعي یواځیني موخه دا وه ،چې اوساما بن لادن باید بي ضرره کړل شي .
Scheuer تیلفون کې په ډګر او ډاډ سره وايي ، ٬٬دا چار ډیره اسانه وه،که موږ دی پخوا وژلي وې٫٫ که د ده خبره منلي شوي واې ، ځانګړې قطعي به خپله دنده څوکاله پخوا سرته رسولي وې او په ورستیو سلو کلونو کې به په نیویارک کې یو داسي تاریخي برید دسې شنبي په ورځ هېچ وخت نه واي تر سره شوې .
په ۱۹۹۹ کال کې سي ای اې Scheuer له خپلې دندی څخه وشړلو. ځکه ده په یوه څیړنیزه لیکنه کې نیوکه کړي وه او لیکلي و، چې هغه مهال د دهAles ځانګړې قطعي پوځي اجنټانو موندلي وه ، چې دغه تورن سړی پنځه ورځې دکندهار په ښارکې پاتي کیږي . موږ په خپله بن لادن د هغې کال د مۍ په میاشت کې قصدآ پریښود چې ولاړ شي .
دبیل کلینټون حکومت له همدې امله Scheuer ته له خپلي دندی څخه دمنفک کولو سزا ورکړه . ځکه دغه سړی یو بدنامه کوونکي او رسوا ،افشا کوونکې ګوتنیوونکې سړی و.
په بله ورځ Scheuer خپلي پخواني دندی ¬Langleyته بیرته راغي، چیرته چې د سي ای اې مرکزي دفتر دی .
د Scheuer دلیکلو میز د زیرخونې په یوه ګونبزه کې چیرته چې د Alec- Gruppe ځانګړې ډله خپل دفتر لري ایښودل شوي دی . په دغه څو ورځوکې دلته ډیر نور نوې د سي ای اې اجنټان راغلل . د اجنټانو شمیر له دیرشوڅخه پنځه اوویا تنوته وخوت . د دوی په منځ کې یوه شننوونکې ښځه هم شتون درلود،دښځې مستعار نوم ٬٬ Jen ٬٬ و، د هغي اصلي نوم او پیژند تر ننه پټ پاتي شوي دي .
* د ۲۰۰۲ کال د جنوري میاشت
د بن لادن ښکاریان باید اقرار وکړي ، چې دوی د بن لادن د ځای ځایګي په اړه کره شواهد او مالومات نه لرلو. دوی ته پته نه وه او نه پوهیدل ،چې تورن سړی چیري پټ شوي و . اما ددوی د نیولولوړه اراده نه ماتیدونکې وه . ډیرې اجنټان به داوونۍ په پای کې هم خپلو دفترونو ته راتلل . ان ځیني خوخپلي قانوني رخصتې هم نه اخیستلي .
په دغه ځانګړې ډله کې تر نارینه ډیرې ښځینه په دنده ګمارل شوي وې. دلته ښځې لکه ٫٫ Jen ٬٬ دقضیي شننونکې او پلتونکې په څیر دندې لري . دغو شننونکو ښځو د یو هیواد په اړه ځانګړې پوهه اومالومات نه درلوده ،بلکې دوی دیو سړی یا یوې ډلې په اړه ځانګړې مالومات او پوهه لرل . Jen د سټلایټ انځورونه او د تیلفون ثبتې شوي خبرې او نور مالومات له یوبل سره ګوري او پرتله کوي . دا ثابته خبر ده ،چې ښځه د نارینه په پرتله د انسانانو ماډلي ثابتي جوتي اړیکې ډیرې ښې تشخیص کولي, پیژندلي او لیدلي شي .
Scheuer وایي ، که دی په دنده کې پاتي شوي واې ،ده به په ډیره مینه هغه مهال پر دغه دندې ټولي ښځې ګمارلي وې .
* د۲۰۰۲ کال د نوامبر میاشت
د سي ای اې اجنټانو په ګردې نړۍ کې په ترهګریزه تورنو ترهګرو څخه پوښتنې، درویژنې اوتحقیق پیل کړل . دوی په سلګونه نوي اصلي اوبدل یا مستعار نومونه ،دهغو خلکو چې په ترهګریزه تورنو تورن وو، وپیژندل او په نښه کړل . په همدې وجهه دسي ای اې اجنټانو ونه شوکړي، چې دټولوراټول شویواسنادو او مالوماتو اړیکې د یو بل سره په پرتله کې وګوري او کنټرول کړي .
دبوش حکومت لخوا دترهګرو راټول لپاره دګوانتانامو به بنديخونه جوړ شوه، چې په کې دمحمدالقتاني Mahammad al-Qahtani څخه ۴۸ ورځې پوښتنې درویژنې وشوې . د ګهیځ په څلوربجوبه تحقیقات پیل کیدل ، بیا دنیمې شپې پوري به دوام درلود. کله چې ده خپلي سترګي پټي کولي . دی به د Christina Agulira دموزیک په بي کچې جګه غږ باندې راویښول کیدو. دی مجبور و، ساعتونه ساعتونه لوڅ لغړ په سړو خونو کې ودریږي او دده لاسونه او پښې به په زنځیرونو کې تړلي شوي وو،په کوټه کې به لوڅ لغړ هاخوا دیخوا څکول کیدو . دی مجبورکړل شوي و، چې دی دوی ته خپل ټول چلونه لکه یو سپي ورښیي . د القتاني مستنتقین په دې باور وو، چې دی دیوولسم دسپټمبر پیښې ټول شل ترهګر بریدګر پیژني او د القاعدې مشرتابه سره ښه پیژندګلوي لري .
* د ۲۰۰۳ کال په لومړیو کې
د تحقیقاتو په بهیر کې القتاني اقرار کوي، چې دیوولسم سپټمبر دپیښې دپلان جوړولو مشر خالد شیخ محمد ده ته یوسړی د ابواحمدالکویتي په نامه ورپیژندلي و . دغې سړی ده ته چلونه او ټررکونه ورزده کړي و چې څنګه دی د متحده ایالاتو څخه ځیني پټ خبرونه ،رپوټونه را وباسي او بهر ته واستوي . دتحقیقاتو په پیل کې د الکویتي نوم دسي ای اې د ټولو اسنادو، پوښتنو درویژنو په ستر سمندر کې ډوب او ورک شو ي و .
پوښتنه دا ده ،چې ولې القتاني دغه نوم واخیست. دا یوه ډیره جنجالي خبره ده، چې ایا دا د شکنجې ورکولو پایله وه ؟ . که موږ د بوش حکومت دغیرانساني او د انسان قصدآ بي حرمته کولو میټودونو ته وګورو، نو وینو چې دغي میټودونو دترهګرو په وړاندې مبارزه او پیژندلوکې په پراخه توګه ښه مرسته وکړه .
او یا القتاني به د سي ای اې داجنټانو لخوا غولي شوي وي ،دوی به ورته ویلي وی، چې خالد شیخ نیولي شوي دی او القتاني نوره مجبوره نه دی، چې دی پټ وساتي .
د FBI مامور Ali Soufan علی صوعان هم له القتاني څخه تحقیقات او پوښتنې کړي دي . دی په یوه مرکه کې په ډګر او زغرده وایي، چې له القتاني څخه مالومات د شکنجې له لارې نه دي ترلاسه شوي .
دCIA دترهګري په وړاندې د مبارزې څانګي ته یو نوي سړی راغي . دی بیا ورسته Johan نامیده . تر دې مخکې ده د روسي هیواد لپاره د سي ای اې په یوه څانګه کې دنده درلوده . کله چې د ولاډیمرپوټین په KGB کې دنده درلوده،ده یوه پوهنیزه دوسیه د پوټین په اړه چمتو کړي وه . Johan یو جګ تکړه او ارامه سړی و،ده دځواني څخه د باسکیټبال لوبه کوله . Johan او Jen اوس په ګده څنګ په څنګ له یوبل سره کار کوي . دوی دواړه یوه نابرابر جوړه ده . دی یوغلی سړی دی او دغه بله ښځه هېچ خپله خوله نشي نیولي . دوی دواړو خپل ټول ځواک او فکر یوې خواته راټول کړي، چې په پای کې بلاخره بن لادن ومومي . دوی ویلي وو، تر هغي چې دوی خپله دنده نه وي ترسره کړي ، دوی به خپل میاشتني معاش هم وانه اخلي .
* د ۲۰۰۴ کال په لومړیو کې
پاکستاني حسن ګل د عراق په شمال کې نیول کیږي . دی بن لادن ته یولیک له ځان سره وړي . CIA دی په یوه الوتکه کې ختیځي اروپا ته والوځولو. احتمالا دی په پولنډ کې یوې پټي بندیخوني ته هستول کیږي . ګل ښه وهول او ډبوهل کیږي ، په دیوالونو باندې هاخوا دیخوا پوري وهل کیږي ، دی خوب ته نه پریښودل کیږي .
ګل د تحقیقاتو په بهیر کې دیو پوسته وړونکې سړی یا پوسته وال څخه خبري کوي او دغه پوسته وال ډیرې وخت بن لادن ته ورځي او دی وايي،چې دغه مخبرسړی ابو احمد الکویتي نومیږي . دا دوهم ځل دی چې دسې ای اې اجنټان دغه نوم اوري .
دغه سړی چې دغه نوم لري په یو بل بدل نوم باندې په ابیټ اباد کې دري نمرې ځمکه اخلي . ځمکه د ښار په څنګ کې موقعیت لري او دغه ځمکه دپاکستان د سترې پوځې اکاډیمۍ څخه یو څو سړکه لري پرته ده .
الکویتي دلته یوه دوه پوړیزه ستره ودانۍ ورغوله . دی لږ موده ورسته دریم پوړ دیو څو نریو کړکیو سره هم ور جوړوي ،دغه کور یو زرغون رنګه تشناب او دپلاستیکو څخه جوړ شوي شاور یا دوش هم لري . دا ودانۍ د دبن لادن نوي کور دی . دغي کورته د ترهګرمشر د دریو ښځو، مشر زوي خالد او څولمسیانو سره راکډه کیږي . دی اټکل سل یورو په میاشت کې خپل پوسته وال یامخبر ته ورکوي .
الکویتي هم د خپلې ښځې او د ورور له کدې سره دهمدغي کور په نورخونو یا میلمستون کې اوسیږي . بن لادن د ابیټ اباد له شاخوا سیمواو غرونو څخه هېچ خبر نه دی . دی خپل ټول وخت دکور په دننه کې تیر وي او د بي بي سي اوالجزیرې خبرونه په تلویزیون کې ګوري . انټرنیټ او تیلفون نشته ، کیدای شي چې ګواښ پیښ کړي . بن لادن په ورځ ووه ځلي لمونځ کوي، تر هغې ډیر چې داسلام سپیڅلي دین يي لارښونه کوي . دی دلته د فلسطین او داقلیم دبدلون په اړه لیکني کوي . د خپلو لمسیانو سره هره ورځ شعرونه لولي او لیکي . د ده ښځې ماشومانو ته عربي ژبه او قران کریم ورزده کوي . یواځې د الکویتي زوي د کور څخه د باندې مدرسې ته ځې .
دوی په اوونۍ کې دوه ځلي یو پسه هلالوي ، دوی ته دسلو څخه ډیرې چرګې هګې اچوي ، دچرګانوهګې، دغوا شودې کمښت نشته . بن لادن یو ډول شربت په نامه د ٬٬Avena-Sirup ٫٫ چې د سړی شهوتي ځواک ډیر وي چښلو، دا شربت یو ډول یوناني یا طبعي Viagra درمل په څیر اغیزه لري .
دالقاعدې مشر په مستقیم ډول له دغې ځای څخه نړۍ ته ویډیويي اعلاميې خپرولي . ده به تل خپلي خړي سپیني ږیرې ته تور رنګ ورکاو او ده به خپله تر ټولو ښکلي عربي چپڼه د سرو زرو لیکو سره هم اغوستله . سي ای اي تل هڅه کوله د خپرې شويو ویډیوګاڼي له لارې ومومي او پلتنې وکړي ،چې بن لادن چیرته پټ شوي دی . دالمان یوماهر غږ پوه اوکارپوه سړی ته دنده وسپارل شوه،تر څو دی په ویډیوګانو کې دمرغیو ثبت شویو غږونو له لارې د بن لادن داوسیدو ځای تثبیت کړي یا دمرغې دغږونو له لارې سیمه وپیژندل شي او یا دا وپیژندل شي، چې دغه مرغې د کومي سیمې څخه دي .
که څه هم ديوکال راهیسې د بن لادن نوم د سي ای اي په مرکزي دفتر کې ډیر لږ اخیستل کیږي . دامهال د بوش حکومت خپل ټول پام د عراق جګړې، صدام حسین اود ډله ییزو وژنو وسلو په لوري ګرځولي و .
په ۲۰۰۳ کال کې که څه هم ډیکتاتور له واکه راوپرځول شو ،له همدې مهاله د دغې هیواد ډیرې زیرمې د امریکايي پوځیانواو دسي ای اې څارګرې ادارې په ولکه کې راغلي .
یواځې George Tenet د سي ای اې مشر کله ناکله زړه نا زړه هغې راپونو پسې ګرځې، چې بن لادن له دوو سترو ډلو سره د پاکستان په شمال لویدیځ سیمه کې اوسي .
په ۲۰۰۴ کال Michael Scheuer که څه هم د بن لادن د نیولو لپاره یوځانګړې ځواک جوړ کړي وه . دی یو دم له سي ای اې څخه ووت . یوکال ورسته په ۲۰۰۵ کال کې د ده ځانګړې ځواک٬٬ Alec- ٬٬ هم په بشپړ ډول منحل کړل شو. Johan او Jenدوه سرسخته نه ستړي کیدونکې پلټونکې دي ،دوی دواړه همداسي په پټه ، په چوپه او غلي د خپل ژوند پر دنده اوماموریت باندې کار کولو .
دوی دواړه ډیر ژر په دې پوهیږې، چې بن لادن هېچ نه ګرځې او دی نوي ملګرتیاوې هم له هېچ چا سره نه پیلوي . دده د تګ راتګ ډایره لکه د یوولسم سپټمبر دپېښې څخه مخکې هماغسې وړه ده . یو بل شي ته د Johan او Jen هم پام کیږي ،هغه دا چې د ۲۰۰۲ کال څخه ترد ۲۰۰۵ کال پوري د القاعدې شبکې ټول جګپوړي مشران او ترهګر په پاکستان کې نیولې شوي دي . دو ی په کلیوالي او غرنیزو سیمو کې نه بلکې په ښارونو کې نیول شوي دي .
* د ۲۰۰۷ کال د اوګست لومړي نېټه
بارک اوبا ما باید واشنګټن کې په دغه ورځ یوه خورا مهمه وینا واوروي . دIllinois ایالت د دموکرات ګوند سناتور غواړي، چې د متحده ایالاتو راتلونکې ولسمشر شي . دده مخالفین وايي ، دی یو بي تجربې، ساده او کمزوري سړی دی . دی Woodrow Wilson ښار کې په یو نړیوال سنټر کې د څو سوو را ټول شویو خلکو په مخ کې خبرې کوي . دهر چا په خوله کې د امنیت او ترهګري خبرې دي ،دی هم له دغو موضوعاتو څخه خبرې کوي . د بوش حکومت ته اوباما وايي، چې دغي حکومت خپله اصلي موخه له پامه غورځیدلي ده . زموږ موخه عراق نه بلکې القاعده او بن لادن دي . دی وایي،کله چې دی ولسمشر شي، دی به ډیر انتظار ونه باسي او هغه هیوادونه لکه پاکستان چې ترهګري روز ي او دترهګرو لپاره یو پټنځای دی، داسي هیوادونه به نور ونه زغمي . د ده خبرو ته ولاړو خلکو په لاسونه ځښتي ډیرې ټکې وکړي . کین اړخې دموکراتان به ورسته یوه ورځ وايي، چې اوباما هم لکه دیوکوباي سړی په څیر فکر کوي .
د او باما خبرو لپاره دا یو ثبوت وګرځید،کله چې داخبره جوته شوه ، چې سي ای اې څوموده مخکې د بن لادن د اوسیدو اوپټنانځې ځای تثبیت کړي و او دی هلته ونه نیول شو.
بن لادن په یوه افغاني ډبرینه کلا ٬٬توره بوره ٬٬ کې د څووسله والو سره ناسته درلوده . له واشنګټن څخه بم غورځونکې الوتکې په هوا کې شوې اودغو الوتکوته مخکې له دې ، چې خپلي موخې ته و رسیږي ،د بیرته راګرځیدو امر وشو. ځکه دملکې تلفاتو اندیښنه په کې ځښته ډیره وه . د امریکي پوځ یوځانګړې کوماندويي ځواک پر توره بوره برید وکړ و، په برید کې ډیر جنګیالې ووژل شول ، خو بن لادن په تیښته بریالي شو.
بارک اوباما دخپلو خلکوهغي احساساتو او غوښتنو ته پام شو، چې دوی به ویل ، د ترهګرۍ ضدجګړه کې یوڅه سم نه دي .
Mark Owen هم ډیر ناهليي شوي و،چې ولې د ده هیواد حکومت نه غواړي خپل ستر دوښمن ومومي ..
Mark Owen د Alaskaڅخه یو غټ جګ ډبګن سړی و . ده د اوو کالو راهیسې د ځانګړوعملیاتو په ځواک کې د Joint Special Operations Command ( JSOC ) په نامه دنده تر سره کوله .
په ۱۹۸۰ کال د متحده ایالاتو پوځ دغه ځانګړې ځواک رامنځ ته کړو، ترڅو دوی تر ټولو ګران او پیچلي عملیات تر سره کړي . لکه امریکايي یرغمل نیول شوي وګړې راخلاص کړي ، امریکايي وګړې چې په جګړه یزو سیمو کې ایسار شوي وي، له جګړویزوسیمې څخه راباسي ،ترهګر ښکار کړي او په بیړنېو حالاتو کې وژني هم ترسره کړي . Owen د دریو کالو راهیسې په Seal –Taem Six کې دنده ترسره کوي . دغه ځواک د ځانګړو ځواکونوڅخه نوره هم په ځانګړو مهارتونو او زده کړو روزل شوي ځواک دی . Owen او ده پوځې ملګرې د څومیاشتو راهیسې دمعضي هوایي ګنګوسو، رپوټونواو وېره ونکې خالي سړی پسي هسي ګرم ګرم ګرځېدل .
* د ۲۰۰۹ کال دمۍ میاشت ۲۶ مه نېټه
اوباما د څلور میاشتوراهیسې ولسمشر شوي دی .اوس دده مسوولیت دی ، هغه څه تر سره کړي کوم، چې ده د ټولټاکنو پرمهال په جرعت سره غوښتنه کوله .
یوه ورځ اوباما دملي امنیت د ورځنېو ناستو پرمهال څلورو تنو ته وکتل ،اشاره يي ورته وکړه او وویل : زماسره پاسني پوړ ته راشۍ . د څلورو کسانو په منځ کې یو Leon Panetta و، دی دجنوري میاشتي راهیسې د سي ای اې نوې مشر ټاکل شوي دی . یو بل سړی د اوباما د دفتر ریس Rahm Emaneul و. دوی ټول خپل ولسمشر پسي بیضوي دفتر ته ورروان شول . ولسمشر وویل ، زه غواړم چې د بن لادن ښکار زموږ د حکومتي چارو په سر کې ولیکل شي . اوباما په دې اړه له دوی څخه په ډیرشو ورځو کې دیو دقیق عملیاتي پلان غوښتوونکي شو .
* د ۲۰۱۰ کال اوړی
د ولسمشر د فشار راوړلو زور ان د Langlay یا د سي ای اې مرکزي دفتر په زیرخونوکې هم محسوس کیده . Johan او Jen دواړو یودم سمدستي مرسته ترلاسه کړه . د دوی دنوي مشر مستعار نوم « Roger« دی . دی یو ډیر غور ونکې جګه غږ لري او د ده په خوله کې کله نا کله سیګریټ نه لیدل کیږي . ده یو ټولیدونکي کټ په خپل دفتر کې دځان لپاره ایښودلي دی . Roger د سي ای اې یو نوي انځور وړاندې کوي، دی لکه د سي ای اي د نورو اجنټانو په شان لنډ اوښتان نه لري او دی دنور په شان هم نه دی، چې په خپله دنده کې د هر شي په وړاندې دیوې جګړې په څیر چلند وکړي اویا همداسي ورته ګوري . Roger د څوکالونو راهیسې مسلمان شوي او د اسلام مقدس دین ته اوښتې دی . د ده همکاران کله کله دی د خپل کار په دفتر کې د لمانځه په سجده کې ویني .
دیوناڅرګند ځای څخه ناببره الکویتي ته یوتیلفون راغي , دغې تیلفون په همدغه ورځ Jen ته یوه بریښنايي جټکه ورکړه . تیلفون د بن لادن پوسته وال او یا د ده له بهر سره د اړیکو سړی یا مخبر ته راغي ، د سي ا ی اې مامورینو لخوا د الکویتي تیلفون له ډیره مودې څخه څارل او اوریدلکیده . دسي ای اې مامورینو تر دې دمه دټیلفونکونکې سړی ځای نشو تثبتولي .
ټیلفون یو پخواني ملګرې د فارس له خلیچ څخه کړي و،، زموږ څخه خو ته ورک شوې ، ته اوس څه شي کوۍ ؟٬٬ټیلفونکونکې پوښتنه وکړه .
زه اوس بیا له خپلو خلکو سره یم ،له هغو سره چې زه پخوا هم ووم ،الکویتي وویل .
Jen ډیر څه د الکویتي په اړه راټول کړي و،هغه ډاډ ه شوه چې پسته وال لکه دپخوا په شان دالقاعدې په چوپړ کې دی اواحتمالأ بن لادن ته کار کوي . د څوکالو راهیسې دا یوه لومړنۍ دقیقه اعلامه او نشانه وه ،چې راڅرګنده شوه .
John آو Jen په ګده سره یوه څیړنیزه لیکنه د ٬٬ د نښي نښانې او داعلایمو اناټومي ٬٬ په نامه ولیکله .
دسي ای اې ډیرو اجنټانو د الکویتي پرموندلو باندې کارپیل کړو. د اګست په میاشت کې دسي ای اې یواجنټ په دې بریالي شو،چې د پوسته وال داوسیدو ځای په پښورکې مالوم کړي . ده دا هم وموندل، چې د تعقیب لاندې سړی یو سپین سوسزیکې جیپ موټرچلوي . د سې ای اې مامور دغه سړی تقیبوي او دی دوه ګنټې ورسته ابیټ اباد ته ورپسې رسیږي .
Johan د سي ای اې مشر ته لیکې ، موږ دی تر یوکوره تعقیب کړو،دغه کور دیوې جنکې کلا په څیر مالومیږي .
دسي ای اې مشر Leon Panetta سمدستي سپینه ماڼۍ خبروي .
John او Jen دواړو زده کړي وو، چې د هر شي په اړه نورې پوښتنې هم وکړي . دوی به د خپلو همکارانو سره په دې اړه بحثونه کول ٬٬چې کوم بل لامل ددغې جنګې کلا دشتون لپاره شته ٬٬ .ایا الکویتي د القاعدې څخه پیسې غلا کړي دي او دی اوس ځان له همدې امله پټوي ؟. یا دی اوس یو معمولي جنايي قاچاقبر سړی دی . دوی د دې ټولو بحثونو په پای کې یوې پایلې ته رسیږي ، چې دی دلته له بن لادن سره کومه معامله لري . John تل یوشکې او محتاط سړی و ، دی وايي ٬٬ چې ۹۰ سلني احتمال لري، چې بن لادن همدلته وي٬٬ .
دسي ای اې اجنټانو په ابیټ اباد کې یو بل پټ کور د بن لادن جنګې کلا مخامخ ته ورجوړ کړو. دوی له دغې کور څخه د بن لادن دکور انګړ یا تلي هم لیدلي شو. د پړی یا رسۍ پر سر د ځان مینځل شویو جامو ته به کتوسره داسي اټکل کیدو، چې دپوسته وال له کورنۍ او ورور سربیره نورې دري ښځې ، یو ځوان سړی اونهه ماشومان په دغه جنګې کلا کې ژوند کوي . دوی داهم و لیدل، چې یو سړی هره ورځ د زرغونو پتیو پر پولو باندې ژور ژور قدمونه اخلي او ورسره په وړو وړو ډایرو کې ګرځي راګرځي . دوی نه شي کولاي ان دسټلایت دانځورنو په مرسته د دغي سړی مخ وویني . دکور باغچې مخې ته یوترپال یا ټاټ اوږ دځوړلنډ دی . د سي ای اې خلک دغه ګرځیدونکې سړی د ٬٬ اوږد اوږد ګام اخیستوونکې ٬٬ په نامه یاده وي . دوی وايي ، موږ څنګه کاولي شو،دی تثبیت کړو او وپیژنو، سمدستي یوه ته یو فکر ورغي .
دسي ای اې اجنټان یو پاکستاني ډاکټر په مرسته په ټول ابیټ اباد کې د زیړي یا Hepatitis B ناروغي په وړاندې یو کمپاین پیل کړو . په دې تمه چې د جنګې کلا له اوسیدونوکو څخه DAN تر لاسه کړي ، په ټولو کې باید د ماشومانو څخه وینه واخیستل شي . دوی غوښتل چې د بن لادن د یوي خور له DNA سره پرتله کړي . په ابیت اباد خلکو د واکسیڼ دکمپاین سره حساسیت وښود،سي ای اې سمدستي دکمپاین دغه هڅه ودروله . د پاکستان استخباراتو ورسته بیا دغه ډاکټر له امریکایانو سره د همکاري په تور بندیخوني ته کړو .
* د ۲۰۱۰ کال د ډسامبر ۱۴ مه نېټه
مخکې له دې چې دامریکا ولسمشر د کرسمیس په رخصتي کې Hawii ته ولاړ شي . ده ته دسي ای اې مشر پینتا په واشنګتن کې د ٬٬ اوږد اوږد ګام اخیستونکې سړی ٬٬ عکسونه وروښودل . له همدې سره ولسمشر ته یو ډیر عجیب او غیریب احساس پیداکیږي . ده ورسته هم ونشو کړي ووايي ،چې دغو عکسونو په ده کې څه ډول احساس رامنخ ته کړو. په ده کې دغې سړی ٬٬ بن لادن ٬٬ انځورنو یوڅه اعتبار راویښ کړي و. ولسمشر سمدلاسه دعملیاتو پلان جوړ ولو هدایت ورکړو .
CIA دا مریکا څارګرې ادارې یوسړی ته دنده وسپارله ،ځینو خلکو دغه سړی د هیواد تر ټولو هوښیار او میړانه سرتیري په نامه پیژندلو.
د دغه سړی دامیرالبحر مرستیال William Mc Raven په ۱۹۵۰ مو کالونو کې په North Caroina کې زیږ یدلي . دی د JSOC دځانګړو پټو ځواکونو مشر دی . ده ورسته د CIA سره په ګده ولسمشر ته د عملیاتو څو ډوله وړاندیزونه وړاندې کړل . دوی په پای کې یواځی دوو وړاندیزونو ته ډیره پاملرنه وکړه : لومړۍ پرجنګې کلا باندې بمباري . دوهم پرجنګې کلا باندې دیوې ځانګړې کوماندو لخوباید پوځې برید.
د بمباري فکر ژر رد شو ،ځکه اټکل ۵۰۰۰۰ پوڼد چاودیدونکې ټوکې یا بم ته اړتیا وه ،چې دغه جنګې کلا ورانه او د ځمکې سره هواره کړي . داډیره ګرانه وه ،چې په ډاډه منه توګه وویل شي، چې بن لادن په کلا کې و او دی په کې ووژل شو . د بي ګناه خلکو د وژلو مخه به په هېچ ډول ونه نیول شي . دا به ډیره ګرانه او ناشوني وي، چې په دغه ډول ویجاړه شوي کلا کې د DAN د معایني لپاره یو ټوټه وموندل شي ، ترڅو د ستر ترهګر وژنه تاېید کړل شي .
Mc Raven د یو ناببره پوځې برید د خپلو ټکړه سرتیرو دSeal-Team Six په مرسته غوره بولي .
د Black Hawk چورلکو په مرسته به د کلا انګړ ته ور والوځواو پر دغه کوربه په لږوڅو دقیقو کې برید ترسره کړو. دغه ځانګړې چورلکې کولي شي، چې ډیرې ټیټې ،غلي اوپه ډیر سرعت سره الوتنې وکړي . پاکستاني پوځ به هېچ ونه پوهیږي او خبر به هم نشي . له دغو چورلکو سره به دووې نور ې د Chinook چورلکې د ابیټ اباد تر ۸۰ کیلومتري پوري د سون ټوکو یا د تیلو زیرمې سره هم والوځي او دچورلکو د بیرته راتګ لپاره امنیتي او دفاعي غوندیتوب دنده هم ترسره کړي .
بارک اوباما دعملیاتو پلان په ځیر سره اوري او کومه نیوکه په کې نه لري .
د۲۰۱۱ کال د اپریل میاشت
له ډیرو کالونو ناهیلیو، ناکامیوڅخه راویښ کړو. Marc Owen دځانګړو ځواکو سرتیري SMS یو
دغې سرتیري دیونا څرګنده ستړي کونکې عملیات په نامه د . Meeting 0800 ته انتظار ایستلو .
په بل ورځ په Virginia Beach کې یوه بیړني ناسته د کنفرانسونو په یوه خونه کې چې د اوریدو له پلوه یوه ډاډمنه خوندي خونه وه ،ترسره شوه . Owen اټکل ددیرشو تخنیکرانو اودSeals کسانو څخه یو دی، چې دکنفرانس په خونو کې خبرې کوي . د دوی څخه ډیرو ګمان کاوه،چې موږ به اوس لیبیا او یا سوریه ته ولیږل شو . په دې ورځو کې دعربي نړۍ د پاڅونو څوړمینی یا پسرلی دی . خوبیا هم په همدې حالت کې یو وايي ، موږ بهUBL ښکار کړو، دغو سرتیرې تل د القاعدې مشر په همدې مخفونو یا لنډوالی یاده لو . د North Caroina دټرننګ په یو کمپ کې داخبره تایید شوه : چې هو، دوی دی موندلي دی . Owen ته یو ملګري وویل .
بارک اوباما څوورځو ورسته د سپیني ماڼۍ په Situation Room خونه کې د تل په شان د میز په شمالي څنډه کې دولسمشري د دولتي نښان لاندې ناست و، دی غواړي د خپلو وزیرانو او مشاورینو لخوا هم وپوهیږي ، چې دوی د عملیاتو په اړه څه وايي او دوی څه مشوره ورکړي . ځیني مشاورین د ۸۰ سلني بریالي عملیاتو چاڼس لیدلو ، ځینې بیا وايي چې ۳۰ سلني دبریالیتوب چانس شته دی . په پای کې اوباما پوهیږي، چې په دغو عملیاتو کې یوستره وېره یا ګواښنه شته ده .
په همدې بهیر کې د امریکا پوځ د ابیټ اباد سیمه دخپل ټول طبعي ځانګړتیاو سره د ټوپوګرافیک له پلوه کټ مټ لکه اصل په North Dakota کې په مصنوعي ډول جوړه کړي وه .
دSeals سرتیرې به دپلان له مخي په دوو چورلکو کې ور والوځې . سرتیرې به د رسۍ له لارې دکور انګړ ته ور ښکته شي . دوی به د برجونو او دړو په لوري بریدونه پیل کړي . ټول شیان باید پرته له خنډه اوځنډڅخه د پلان له مخي تر سره شي . ټول څلور ویشت میړه سرتیرې او یو بلژیکې لیوه سپی په نامه د Cario سم پوهیږي، چې څوک څه کار باید وکړي . دا ډول بریدونه او عملیات د دوی لپاره کومه ځانګړې خبره نه ده ، داځلي څه شي چې ځانګړي دي ، هغه دا ځانګړي سړی دی .
د لومړۍ برخي پای