ارزو د هغه وخت ده چي جانان پکي ودان وو
نړۍ له جنګه روغه وه، افغان پکي ودان وو
د توري تره قۍ، تعلیم او شاه تاریخ یې ولوست
د ټولو خلاصه دا وه چي ځوان پکي ودان وو
ابلیس د ځان اباد د جهان وران تصویر ته ګوري
هغه لاره به پالي چي یې ځان پکي ودان وو
د سرقاتل مي نن د محبت په روی معاف کړ
چي دار تې غاړه ورکړه، یو نښان پکي ودان وو
د توري قهوې جبر، د وختونو وچه تنده
ترخې د پردېس شپې وې، خو ارمان پکي ودان وو
هارون به دا خپل زړه وای ستاپه پښوکي غورځولی
خودا یواځي ستا نه وو، جهان پکي ودان وو.
۱۸-۰۲-۲۰۱۵، پنجاب پوهنتون، هندوستان