ولسمشر محمد اشرف غني د ننګرهار له خلکو سره د خواخوږۍ څرګندولو په موخه دغه ولایت ته ولاړ. غني له هغې وروسته ننګرهار ته سفر کوي، چې څو ورځې وړاندې په دغه ولایت کې د یوه ځانمرګي برید له امله نږدې ۲۰۰ کسانو ته مرګ ژوبله واوښته. راپورونه وايي، ولسمشر غني به په ننګرهار کې د پېښې د قربانیانو د کورنیو غړو ته د یوې ګډې غونډې پر مهال وینا وکړي. د یادوونې ده چې له ولسمشر سره په دې سفر کې د حکومت اجرایه مشر، یو شمېر لوړ پوړي چارواکي، د ملي شورا یو شمېر غړي او قومي مشران هم په ملګري دي.