د امریکا د پخواني ولسمشر جورج بوش ورور جب بوش رسما د راتلونکي کال په ولسمشریزو ټاکنو کې د نوماندۍ اعلان وکړ. نوموړی چې پلار او ورور یې ولسمشران پاتې شوي، تر دې وړاندې د فلوریډا ایالت والي و. نوموړي په خپله لومړنۍ بیانیه کې ویلي چې د امریکا تر ټولو د زیانمن قشر ساتونکی به وي او د ټولنیز پرمختګ پر وړاندې شته خنډونه به له منځه یوسي. نظر پوښتنې ښيي چې د جهوریت غوښتونکي ګوند د کاندیدانو ترمنځ د بوش محبوبیت لا هم په ډېر ټیټ پوړ کې دی .