د ملي دفاع وزارت سرپرست وايي په کندوز ښار کې د چاڼیزو عملیاتو پر مهال ۱۳ پاکستانیان نیول شوي دي. معصوم ستانکزي د وزیرانو شورا په غونډه کې ویلي د کندوز په چاڼیزو عملیاتو کې افغان طالبانو ته پر اوښتې مرګ ژوبلې سربېره پاکستانیانو ته هم مرګ ژوبله اوښتې او ۱۳ تنه یې ژوندي نیول شوي. د کندوز د امنیه قوماندانۍ ویاند سید سرور حسیني ویلي د هغو معلوماتو له مخې چې دوی ترلاسه کړي د کندوز له جګړې یو شمېر پاکستاني جنرالان په تابوتونو او ښځینه جامو کې ایستل شوي دي.