ملي دفاع وزارت وایې، چین ژمنه کړې چې د افغان ځواکونو په تجهیزولو او روزلو کې به بشپړه همکاري وکړي. د دغه وزارت سرچینو ویلي، دا ژمنه د هغه تړون له مخې کیږي چې د دفاع وزارت سرپرست چین ته د خپل وروستي سفر پرمهال د دې هېواد له حکومت سره کړی. تر دې وړاندې روسیې هم د افغان امنیتي ځواکونو د تجهیزولو په برخه کې د مرستې اعلان کړی. افغان حکومت په کراتو ټينګار کړی چې افغانستان د ترهګرۍ قرباني دی او په دې برخه کې مبارزه باید د سیمې او نړۍ په کچه وي.