په کندهار کي د يوې غونډي پرمهال په زابل کي د ۷ تنو هزاره ګانو وژل کېدل يوه قصدي دسيسه وبلل سوه.
غونډه دکندهار په ولايتي شورا کي د ۷ تنو هزاره ګانو د وژلو، د غندلو په موخه جوړې سوې وه.
د کندهار د ولايتي شورا غړو او قومي مخورو په خپلو ويناوو کي زياته کړه ، د هغو ډلو په وړاندي به دريږي، چي د افغانانو په منځ کي سمتي او قومي ستونزي جوړوي.
ويناوالو وويل، چي د پرون لاريون بايد د مخالفينو په وړاندي سوی وای او په دې قضيه کي حکومت هيڅ داخل ندی.