د مشرانو جرګې يو شمېر غړي، د ولسي جرګې او ولسواليو شوراګانو د ټاکنو د مودې پر معلومو د ټينګار ترڅنګ وايي، چې که پر حکومت فشار وارد نه شي نو د ټاکنو د تر سره کولو لپاره اراده نه لري. د مشرانو جرګې دويم نايب محمد اصف صديقي هم د ولسي جرګې او ولسواليو شوراګانو د ټاکنو پر تر سره کولو ټينګار وکړ او زياته يې کړه، حکومت اړ دى چې د ټاکنو د تر سره کېدو لپاره زمينه برابره کړي او مهالوېش يې اعلان کړي. دغه راز ولسمشر محمد اشرف غني د غبرګولي مياشتې په ٢٧ مه نېټه، د ولسي جرګې د کار موده د ټاکنو تر سره کېدو پورې غځولې ده. ورته مهال حکومت د ټاکنيز نظام د اصلاح لپاره يو کمېسيون هم رامنځته کړى دى.