د کندهار سيمه ايز چارواکي خبر ورکوي چي د هوايي ډګر په نښته کي د څوارلسو بريدګرو په ګډون ۲۴ تنه ووژل سول او ۱۲ نور ټپيان سول
دا ډله ايز بريد تير ماښام په هوايي ډګر کي د بازار په سيمه کي د ۲۰۵ اتل قول اردو د قوماندان کور ته نژدې د ملي اردو پر سرتيرو وسو .
بريد د ټولي شپي تر څنګ د ورځي تر غرمي پوري هم روان وو او دواړو خواوو پر يوه او بل د سپکو او درنو وسله ډزي کولې .
په کندهار کي د ۲۰۵ اتل قول اردو قوماندان داوودشاه وفادار خبريالانو د بريدګرو شمير تر څوارلسو زيات وښود او زياته يي کړه چي په پيښه کي د څوارلسو بريدګرو د وژلو تر څنګ اتلسو ملکي وګړو او څلور د ملي اردو سرتيرو ته مرګ ژوبله اوښتې ده .
( په دې پيښه کي ( ۹ ) ملکي وګړي او يو د ملي اردو سرتيری وژل سوي او ( ۹ ) ملکي وګړي او درې د ملي اردو سرتيري ټپيان سوي دي . )
جګړې تر شل ساعته زيات دوام وکړ او بريدګرو په سيمه کي ملکي کورنۍ هم يرغملي کړي وي .
امنتي مسوولين د جګړې د اوږدوالي علت د امنتي ځواکونو احتياط او مرګ د ژوبلي د کمولو هڅي بولي .
قوماندان وايي چي بريد يي کور ته نژدي وو او دده وژل يي هدف وه چي زيان نه دی ورته رسيدلی ، هغه خپلو ساتونکو ته هم مرګ ژوبله مني .
د ملي دفاع وزارت په دې پيښه کي د ۳۷ ملکي وګړو د وژني او د يوه بريدګر د نيوني خبره هم کوي .
د جګړې سيمه د ملکي کسانو هغه بازار وو چي د نړيوالو او کورنيو ځواکونو د اړتيا وړ توکي پکښي پلورل کيدل ، په سيمه کي عامو خلکو ته هم درانه مالي زيانونه اوښتي دي .
د بريد په اړه د افغان ځواکونو او ولايتي ادارې تر منځ نه همږغي هغه ستونزه وه چي خبريالانو ته پر وخت او دقيق معلومات نه رسيدل .
د بريد مسووليت وسله وال طالبان په غاړه اخلي دي او د بريدګرو انځورونه يي هم خپاره کړي دي .
طالب ويآند قاري يوسف احمدي وايي چي تر سل زيات امنتي سرتيري يې وژلي دي .