بیاکومولیونوسپوداسیازړه افغانستان اودافغانستان زړه دلرغوني اوښکلي کندهارتنکي ماشومان،درنې پتمنې میندې،د هسکوشملودرنې ککرۍ اوګلالي،ګلالي ځوانان په دومره ستروحشت اوبربریت وداړل اودامیرخان بابا اواحمدبابادغیرتمنوبچودنازوانا اوزرغونې ادې نازولو لورګانو اودمیوندي ملالۍد ښکلو خویندوپاکې اوسپیڅلي ویني یې وبهولې اویوځل بیایې دبنجوایې کربلادردونه،غمونه اوخونړي ټپونه راتازه کړل .دادلیونوسپوروزونکې اوپالونکي دویرجن ناتارپه مهال اوورځ داسلام آبادپه هوایي ډګر کې دافغان ولس مشردهرکلي په پلمه دخوښی اوخوشالی دتوپ۲۱ډزې کوي هغه ولس مشرته چې په مخکني لومړني سفرکې یې یوازې ګنجی سره پکتاج عزیزهرکلي ته ولاړودتوپ ډزې خولا پریږده چې چا ورته لاسونه هم ونه پړکول.
داسیازړه کنفرانس اودکندهارزړه بوږنوونکي غمیزه ،کابل ته دراحیل شریف درسیدوسره جوخت دلوګرخونړۍ ځانمرګی ناورین دپاکستان درذیلواوټګماروڅارګروچل وټې اوغولوونکي سناریوده چې تل یې دافغان مشرانوسترګوته خاورې شیندلي اوپه تشوډزویې تیرایستلي دي.
افغان ولس مشر دکندهارغمیزه کابل ته په رارسیدوبې وخته وغندله ده باید دغه پلانیزه شوي توطیه په زغرده اوډانګ پیلي توګه دکنفرانس ګډون والوته په ډاګه کړي اوپه سختوټکوغندلي وه.
پاکستاني چارواکوپه کنفرانس کې دسیاسي اودپلوماتیکواوتوبوتوترڅنګ په خوراسپین سترګی دافغاني کډوالودبیرته ستنیدومساله په ځیږوټکو کې یاده کړه له یوي خوایې دکنفرانس ګډونوالوته داښووله چې موږکلونه،کلونه افغاني کډوال پخپله خاوره کې ساتواوله بلې خوایې افغان ولس مشراوچارواکوته دکډوالوبیرته ستنیدل دیوه جدي معضل اوګواښ په توګه یادکړل.له بده مرغه افغان ولسمشراشرف غني دکډوالو دمسالې دکره ځواب په اړه یوه ستره تاریخي،سیاسي اوملي تیروتنه وکړه هغه داچې ګنې موږهم پخپله خاوره کې په زرګونو،زګونوپاکستاني کډوالواوبې ځایه شویوته پناه ورکړي ده داله منطق اوسلیم عقل نه لیري خبره دومره ستره نه بښونکي تیروتنه اوتاریخ شرم دی چې اشرف غني یوازې په بښنه نه،بلکې د پسه اوناغې سره دوزیروغیرتي،میړني اوپرنګي شکنه، توریالیودرنومیلمنوڅخه چې خپل پلرني کوراوټاټوبي ته دپاکستان دځناوروڅارګرواودانګریزبچیودزور،ظلم اوډورن الوتکودخونړیوبمباریواومرګ ژوبلي څخه دخپلووروڼوکورونوته راغلي په پښتني نرخ اوڅلي جدي بښنه،بښنه،بښنه وغواړي اوکه د دغه تاریخي تیروتنې بښنه ونه غواړي داپه دې مانا دی چې د ډیورنډمنحوسه اوورسته استعماري کرښه دافغانستان اوپاکستان ترمنځ پوله اوزموږوروڼه وزیراومسودپاکستاني کډوال دي .زه په ځانګړي توګه ولسمشرغني اود ده دکورنۍ تیروستروشخصیتونواوتاریخي میړونوته دزړه له کومې درناوی لرم خو دوطن اودافغان ولس په وړاندې بې مسوولیته اوبابیزه دریځ ،هیڅ افغان وجدان اوغیرت نه مني .ولسمشرکه حسین بن علي ته دخدای(ج) دزوی خطاب کوي اوبیا بښنه غواړي دادهغه دمشرتابه صلابت اووجاهت ته سخت زیان رسوي .هغه کله ناکله افغان سرتیرواوافسرانوته په خطاب کې وایې ستاسودشهادت اوقربانیوڅخه من نه اوتشکر کوم څوک دشهیدانودلوړمقام نه تشکر نه کوي هغه د درنښت اواکرام سرټیتیږي اوسپیڅلي جنتي اروایې تل ښاده اوځلانده غواړي.
عرب یوه مشهوره مقوله لري وایې. (فکرمرارثم قل) په دې ماناچې تکرارفکر وکړه اوبیا وغږیږه زما موخه دخپل دردبیان دی ځکه په اوسنیوشرایطواوتاریخي مهال کې افغانان ستاسومشرتابه اوزعامت ته سترې هیلي لري.بښنه غواړم زه لږټوکې تبیت لرم یوه ټوکه مې رایاده شوه هغه داچې.
یوه متقاعد افسرخپلې میرمنې ته لاپې،شاپې اوغورې کولې ورته ویل هیڅ ویره مې په زړه کې نه ګرځي پردوښمن هسې وردانګم اویرغالم چې په ځنګله کې زمریان زماله هیبته ریږدي په جسارت کې مې ساری نه لیدل کیږي.د دغوغوروپرو وروسته کومه شپه یوغل د دوی کورته ورننوتی دی .میرمني یې بې له ځنډه خپل میړه له خوبه راویښ کړورته ویې ویل: هله زرپاڅیږه چې کورته غل راغلی دی افسرمیړه ته یې ټوپک په لاس کې ورکړاوهغه بې له ځنډه دکوټې له دروازې بهرووت اوسملاسې یې پروت وکړاوغل څارې.میرمنې ورغږکړ سړیه ولې دې پروت وکړ.ده په ځواب کې ورته وویل چې موږپه نظامي تعلیمنامه کې لوستي چې دوښمن به دتقرب په مهال دپروت له موضع څخه داورلاندې نیسې ځکه می پروت وکړ..
ښایې افغان ولسمشرهم داچې نوازشریف یې په څنګ کې ولاړوخپل وزیراومسیدوروڼه ورته پاکستاني کډوال ښکاره شوي وي.اوکنه بایدپه زغرده یې ویلي وای چې.
دخیبردره خولاردتلوراتلوده په کابل اوپیښورکې افغان یودی
د کندهار د شهیدانو اروا دی ښاده او ورته د فردوس جنت غواړم او غمجنو کورنیو ته د ژور تسلیت او ډاډینی غوښتونکی یم.
مړه دی وي د وطن بې رحمه دوښمنان
۱۱/۱۲/۲۰۱۵
هالینډ