یاالله ! باران وکړې په للمیو،ددښتونو په غوټیو
یاالله ! تل دعا کړو دخوښو،دخوشحالو پسرلیو
یاالله ! هره دښته ګلستان کړه،پکي شنه هر رنګ ګلان کړه
یاالله ! له وطنه ورک خزان کړه،راښکاره بیا غاټولان کړه
یاالله ! ورک کړه وخت داسویلیو،دآهونو اوسلګیو
یاالله ! بیا خندا راته پخلاکړه،ورکي اوښکې اوژړاکړه
یاالله ! هریتیم سر په مسکا کړه،پرمخ اوښکې یې صفا کړه
یاالله ! کلی خوښ کړه په خوښیو،آزادۍ اوخوشحالیو
یاالله !ښکلاګاني مروري،دمسکاماتي وزري
یاالله !دشپونکي رمه نه څري،بلبل نه وایي سندري
یاالله ! کړه وصال درنګینیو،موسم ورک کړه دسیلیو
یاالله ! فضاټوله زرغونه کړه،په شنو ونو ځمکه شنه کړه
یاالله ! د"مسرور"ارمان پوره کړه،ګودرونه ښائسته کړه
یاالله ! میدان ډک کړه په کیږدیو،لمن ګل کړه دغونډیو